19.11.2024 | 16:28
Քաղաքացիության պարտադիր պայման սահմանելը հակասում է փախստականների իրավունքների մասին կոնվենցիային
Կառավարությունը Սյունիքին 400 մլն դրամ կհատկացնի՝ փակ ճանապարհների պատճառով առաջացած ծախսերը հոգալու համար
Քաղաքականություն
24.11.2021 | 22:58
Սյունիքում առաջնահերթ հիմնախնդիրների լուծման նպատակով ՀՀ Կառավարությունը մարզին կհատկացնի 400 մլն դրամ: Այս մասին տեղեկանում ենք Կառավարության որոշման նախագծից:
Նախագծում նշվում է, որ ճանապարհները փակվելու կապակցությամբ ձեռք է բերվել 3 հատ ՈՒԱԶ ավտոմեքենա, որի արժեքը կազմում է 22.2 մլն դրամ: Խոսքը, ըստ էության, ադրբեջանական ԶՈՒ-ի կողմից օկուպացված ճանապարհների մասին է:
Ավելի վաղ Factor TV-ն Սյունիքի Բարձրավան գյուղից հայտնել էր, որ ճանապարհի բացակայության պատճառով բնակիչները զրկվել են քաղաք հասնելու հնարավորությունից, և երթևեկությունը կազմակերպվում է ՈՒԱԶ ավտոմեքենայով:
Նախագծի համաձայն՝ նախատեսվում է ձեռք բերել 43 հատ պանելային շարժական տնակներ, որի ընդհանուր արժեքը կկազմի 223.7 մլն դրամ (1 հատի արժեքը՝ շուրջ 5.2 մլն դրամ): Այս տնակները կտրամադրվեն Զինված ուժերի կառույցներին, ԱԻՆ ՓԾ-ին, ՀՀ Ոստիկանության Սյունիքի մարզային վարչությանը, ԱԱԾ-ին և ՊՆ-ին:
Կապան-Ճակատեն ճանապարհը փակ լինելու կապացությամբ նոյեմբերի 14-16-ը բնակչությանը տրամադրվել է 6.5 մլն դրամի 13 տոննա դիզելային վառելիք և բնական գազ՝ 1.0 մլն դրամի: Նոյեմբերի 11-ից Բարձրավան-Շուռնուխ-Որոտան ճանապարհի փակվելու կապակցությամբ բնակչությանը տրամադրվում է հաց՝ օրական 2 անգամ, նոյեմբերի 22-ի դրությամբ փաստացի ծախսը կազմում է 8 հարյուր հազար դրամ: Այս ծախսերը ևս ներառվում են հատկացվող գումարի մեջ:
