07.10.2026 | 23:48
Արթուր Դանիելյանը կալանավորվեց
Պուտինն ու Շառլ Միշելը քննարկել են ԼՂ-ում տիրող իրավիճակը
Քաղաքականություն
24.11.2021 | 21:17
Ռուսաստանի նախագահ Վլադիմիր Պուտինն ու Եվրախորհրդի ղեկավար Շառլ Միշելը հեռախոսազրույց են ունեցել։ Այս մասին տեղեկանում ենք Կրեմլի պաշտոնական կայքից։
Նշվում է, որ զրույցի ընթացքում, մի շարք հարցերի հետ մեկտեղ, քննարկվել է Լեռնային Ղարաբաղի շուրջ տիրող իրավիճակը։ Շառլ Միշելի խնդրանքով՝ Վլադիմիր Պուտինը տեղեկացրել է ԼՂ-ի վերաբերյալ 2020թ. նոյեմբերի 9-ի և 2021թ․ հունվարի 11-ի եռակողմ համաձայնագրերի դրույթների իրականացման ուղղությամբ ձեռնարկվող քայլերի, ինչպես նաև Հարավային Կովկասում խաղաղության հաստատման, տնտեսական և տրանսպորտային կապերի վերականգնման մասին։
Այս հարցերի քննարկումը նախատեսվում է նաև նոյեմբերի 26-ին Սոչիում ՌԴ, Ադրբեջանի նախագահների և Հայաստանի վարչապետի հանդիպմանը, ասվում է հաղորդագրությունում։
