19.12.2025 | 17:51
Դավիթ Մանուկյանն ու Արայիկ Հարությունյանը Բաքվի դատարանում եզրափակիչ ելույթներով են հանդես եկել
Համբարձում Մաթևոսյանն Արմավիրի մարզպետի պաշտոնից ազատման դիմում է ներկայացրել
Քաղաքականություն
24.11.2021 | 17:52
Արմավիրի մարզպետ Համբարձում Մաթևոսյանն ազատման դիմում է ներկայացրել։ Այս մասին քիչ առաջ Factor.am-ի հետ զրույցում հայտնեց ինքը՝ Մաթևոսյանը։ Մեր հարցին՝ արդյոք շրջանառվող լուրերի համաձայն նշանակվելո՞ւ է ՀՀ փոխվարչապետ, մարզպետը ո՛չ հերքեց, ո՛չ հաստատեց։
«Միայն կարող եմ ասել, որ այլ պաշտոնի նշանակվելու առաջարկ եմ ստացել, սակայն այս պահին այլ մանրամասներ հայտնել չեմ կարող»,- նշեց Մաթևոսյանը։
Մամուլում շրջանառվող տեղեկությունների համաձայն՝ մարզպետը կնշանակվի ՀՀ փոխվարչապետ: Այդ պաշտոնը Սուրեն Պապիկյանի՝ պաշտպանության նախարար նշանակվելուց հետո թափուր էր մնացել:
Հիշեցնենք,՝ Համբարձում Մաթևոսյանը մարզպետի պաշտոնում նշանակվել էր 2018 թվականի հոկտեմբերի 16-ին:
Ռոզա Վարդանյան
