22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Մագդալենա Անդերսոնը դարձել է Շվեդիայի վարչապետի պաշտոնը զբաղեցրած առաջին կինը
Քաղաքականություն
24.11.2021 | 20:55
Շվեդիայի սոցիալ-դեմոկրատական աշխատանքային կուսակցության նախագահ Մագդալենա Անդերսոնը դարձել է առաջին կինը, ով ընտրվել է Շվեդիայի վարչապետի պաշտոնում։ Ի պաշտպանություն 54-ամյա Անդերսոնի քվեարկել է 117 պատգամավոր, դեմ՝ 174, ձեռնպահ՝ 57։ Հաղթելու համար նրան բավական էր, որ Ռիկսդագի անդամների մեծամասնությունը, այսինքն՝ 349 պատգամավորներից առնվազն 175-ը դեմ չքվեարկեին, գրում է DW-ի ռուսական ծառայությունը։
Անդերսոնի՝ Շվեդիայի կառավարության ղեկավարի պաշտոնում ընտրվելուն նախորդել են բարդ բանակցություններ։ Մինչ այժմ Մագդալենա Անդերսոնը ղեկավարում էր Ֆինանսների նախարարությունը։ Վարչապետի պաշտոնում Անդերսոնի նախորդը՝ սոցիալ-դեմոկրատ Ստեֆան Լյովենը, օգոստոսին հայտարարեց իր հրաժարականի մասին՝ յոթ տարի կառավարության ղեկավար լինելուց հետո: Նոյեմբերի սկզբին Սոցիալ-դեմոկրատները Անդերսոնին ընտրեցին կուսակցության նախագահ։
Լյովենի հրաժարականն Անդերսոնին հնարավորություն տվեց ամրապնդել իր դիրքերը 2022 թվականի ամառվա վերջին նշանակված խորհրդարանական ընտրություններից առաջ։
Անդերսոնը Լյովենից ժառանգել է մի շարք լուրջ խնդիրներ, այդ թվում՝ կորոնավիրուսի հետ կապված բարդ իրավիճակը՝ պայմանավորված համաճարակի դեմ շվեդական իշխանությունների պայքարի համեմատաբար մեղմ միջոցներով, ինչպես նաև գանգստերների մասնակցությամբ հանցավորության մակարդակի աճով։
Տաթև Ֆռանգյան
