09.06.2026 | 00:17
Մարկո Ռուբիոն շնորհավորել է Փաշինյանին
ՀԷԿաշինության ոլորտում պետությանը 116 միլիոն դրամի չափով վնաս պատճառելու գործով մեղադրյալի նկատմամբ հայտարարվել է հետախուզում․ ԱՀ ՔԿ
Հասարակություն
24.11.2021 | 15:20
ԱՀ քննչական կոմիտեի վարույթում քննվող և ԱՀ գլխավոր դատախազության տնտեսական գործունեության դեմ ուղղված հանցագործությունների գործերով բաժնի հսկողությամբ քննվող քրեական գործով ձեռք բերված ապացույցների բավարար համակցության հիման վրա պարզվել է, որ 2017-2019թթ. ընթացքում օրենքով սահմանված հաշվետվությունում և հաշվարկման հիմք հանդիսացող փաստաթղթերում կեղծ տեղեկություններ մտցնելու և որոշ տեղեկություններ թաքցնելու եղանակով ,,Հ.Է.Կ. ՇԻՆ,, ՓԲ ընկերության կողմից Արցախի Հանրապետության բյուջե չի վճարվել ընդհանուր 116.029.500 ՀՀ դրամ առանձնապես խոշոր չափ կազմող հարկեր, տուրքեր և այլ պարտադիր վճարներ:
Հիշյալ քրեական գործով 17.11.2021թ. որոշում է կայացվել Լ.Գ-ին ԱՀ քրեական օրենսգրքի 214-րդ հոդվածի 2-րդ մասով նախատեսված ենթադրյալ հանցագործության կատարման համար որպես մեղադրյալ ներգրավելու մասին: 22.11.2021թ. միջնորդություն է ներկայացվել ԱՀ ընդհանուր իրավասության առաջին ատյանի դատարան՝ մեղադրյալի նկատմամբ կալանավորումը որպես խափանման միջոց կիրառելու մասին, որը դատարանի որոշմամբ բավարարվել է: Նույն օրը որոշում է կայացվել նաև մեղադրյալի նկատմամբ հետախուզում հայտարարելու մասին:
Պետությանը պատճառված վնասից նախաքննության ընթացքում վերականգնվել է 4.000.000 դրամ գումար: Քրեական հետապնդման մարմնի կողմից ձեռնարկվում են բոլոր միջոցները ենթադրյալ հանցագործությամբ Արցախի Հանրապետությանը պատճառված վնասն ամբողջությամբ վերականգնելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
