19.05.2026 | 12:15
Երևանում խուզարկություններ են // ՀՀ-ն տեղական արտադրության զենք է արտահանել․ ԼՈՒՐԵՐ
Ի՞նչ են քննարկել Ալիևն ու Օվերչուկը Սոչիում նախատեսված ՀՀ-ի և Ադրբեջանի ղեկավարների հանդիպումից առաջ
Քաղաքականություն
24.11.2021 | 14:26
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ադրբեջանի նախագահ Իլհամ Ալիևն այսօր ՌԴ փոխվարչապետ Ալեքսեյ Օվերչուկի հետ հանդիպմանը մանրամասն քննարկել է ռուսական ընկերությունների գործունեությունը Արցախի գրավյալ տարածքներում, առևտրաշրջանառության աճն ու փոխադարձ ներդրումները։ Այս մասին հաղորդում են տեղական լրատվամիջոցները։
Կողմերը գոհունակություն են հայտնել այն փաստի կապակցությամբ, որ ռուս-ադրբեջանական առևտրաշրջանառությունն այս տարի աճել է 7 տոկոսով։
«Ալիևն ու Օվերչուկը նաև կարծիքներ են փոխանակել ՌԴ-ի, Հայաստանի և Ադրբեջանի փոխվարչապետների նախագահությամբ եռակողմ հանձնաժողովի գործունեության մասին՝ Հարավային Կովկասում հաղորդակցությունների ապաշրջափակման, ինչպես նաև ապագայի պլանների շուրջ»,- ասվում է տարածված հաղորդագրությունում։
Նշվել է նաև, որ Հայաստանի և Ադրբեջանի միջև տրանսպորտային հաղորդակցությունների շուտափույթ բացումը կնպաստի տարածաշրջանի կայունությանն ու տնտեսական զարգացմանը։
Օվերչուկը վերջին անգամ Բաքվում Ալիևի հետ հանդիպել էր այս տարվա հուլիսին։ Իսկ այսօրվա հանդիպմանը, Օվերչուկի հետ միասին, մասնակցել է նաև ՌԴ ԱԳ փոխնախարար Անդրեյ Ռուդենկոն։
Հավելենք, որ նոյեմբերի 26-ին Սոչիում նախատեսված է Հայաստանի, Ռուսաստանի և Ադրբեջանի ղեկավարների եռակողմ հանդիպումը։
Էմմա Չոբանյան
