07.11.2024 | 16:54
Ֆրանսիայի Անվտանգության և պաշտպանության համագործակցության տնօրինութունը Հայաստանում է․ հանդիպումներ են կայացել ՆԳՆ-ում
Մի խումբ ագրեսիվ միգրանտներ Բելառուսից փորձել են ներխուժել Լեհաստան
Քաղաքականություն
24.11.2021 | 15:14
Նոյեմբերի 23-ին մի խումբ ագրեսիվ միգրանտներ Բելառուսից փորձել են ներխուժել Լեհաստան՝ ապօրինի հատելով սահմանը։ Այս մասին Twitter-ում հայտնել է Լեհաստանի սահմանապահ ծառայությունը։
«Երեկ՝ նոյեմբերի 23-ին, ժամը 19:00-ի սահմաններում 100-ից ավելի ագրեսիվ օտարերկրացիների խումբը փորձել է բռնի ուժով հատել սահմանը, քարեր են նետվել Լեհաստանի ուժայինների ուղղությամբ»,- ասվում է հաղորդագրության մեջ։
Լեհաստանի սահմանային ծառայությունը պնդում է, որ դա տեղի է ունեցել բելառուսական հատուկ ծառայությունների հսկողության ներքո։
Նշենք, որ Լեհաստանը պարբերաբար հայտնում է սահմանը բռնի ուժով հատելու փորձերի մասին։
Հիշեցնենք, որ Եվրամիությունը Բելառուսի նախագահ Ալեքսանդր Լուկաշենկոյին մեղադրում է ի պատասխան արևմտյան երկրների սահմանած քաղաքական և տնտեսական պատժամիջոցների՝ միգրանտների ճգնաժամ ստեղծելու համար: Ըստ Եվրամիության՝ Լուկաշենկոյի ռեժիմը միգրանտներին միտումնավոր ուղղորդում է դեպի Եվրամիության անդամ Լեհաստանի, Լիտվայի և Լատվիայի սահմաններ՝ Եվրամիությունում լարվածություն և ներքին տարաձայնություններ հրահրելու համար:
Տաթև Ֆռանգյան
