07.10.2026 | 23:48
Արթուր Դանիելյանը կալանավորվեց
ԱՄՆ-ը հրապարակել է Ժողովրդավարության գագաթնաժողովի մասնակից երկրների ցանկը․ ՀՀ-ն հրավիրվածների շարքում է, Ադրբեջանը՝ ոչ
Քաղաքականություն
24.11.2021 | 13:08
ԱՄՆ նախագահ Ջո Բայդենը 110 երկրների հրավիրել է դեկտեմբերի 9-10-ը կայանալիք Ժողովրդավարության վիրտուալ գագաթնաժողովին։
Երեքշաբթի Պետքարտուղարության կայքում հրապարակված ցանկի համաձայն՝ հրավիրվածների շարքում է նաև Հայաստանը։ Գագաթնաժողովին չեն հրավիրվել Ադրբեջանը, Թուրքիան, Ռուսաստանը, Չինաստանը: Տարածաշրջանի երկրներից հրավիրվածների ցուցակում, Հայաստանից բացի, ներառված է նաև Վրաստանը։
Հավելենք, որ ցուցակում ընդգրկված են ԱՄՆ-ի հիմնական արևմտյան դաշնակիցները: Հրավիրված են նաև Հնդկաստանը, Պակիստանը և Իրաքը։
Գագաթնաժողովին, բացի պետությունների ղեկավարներից, մասնակցելու են նաև քաղաքացիական հասարակության և մասնավոր ոլորտի ներկայացուցիչներ։
Հավելենք, որ օրերս ադրբեջանական «Թուրան»-ի թղթակիցը հարց էր ուղղել ԱՄՆ պետքարտուղարի քաղաքացիական անվտանգության, ժողովրդավարության և մարդու իրավունքների հարցերով տեղակալ Ուզրա Զեյային՝ արդյո՞ք նախապես հրավիրված երկրների ցուցակը, որն ավելի վաղ հրապարակվել էր լրատվամիջոցներում, վերջնական է, թե՞ այնպիսի երկրների համար, ինչպիսին Ադրբեջանն է, դեռ կա ժամանակ։ Պետքարտուղարության պաշտոնյան նշել էր, որ ԱՄՆ-ը հրավիրում է «կայացած ու զարգացող ժողովրդավարություններին»։
Տաթև Ֆռանգյան
