30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Թուրքիայում զանգվածային բողոքի ցույցեր են, ոստիկանության հետ բախումներ են եղել․ ՏԵՍԱՆՅՈՒԹ
Քաղաքականություն
24.11.2021 | 10:58
Թուրքիայի մի շարք քաղաքներում ազգային արժույթի՝ լիրայի կտրուկ անկումից հետո ինքնաբուխ բողոքի ցույցեր են տեղի ունեցել։ Այս մասին հայտնել է Halk հեռուստաալիքը։
Նշվում է, որ Ստամբուլում և Անկարայում ցուցարարները վանկարկել են «Կառավարությո՜ւն, հրաժարական տուր» կարգախոսը, ոմանք պահել են պաստառներ՝ պահանջելով հեռացնել իշխող «Արդարություն և զարգացում» կուսակցությանը իշխանությունից։
Արդյունքում մայրաքաղաքում ցույցը վերածվել է իրավապահների հետ բախումների։
Մերձավոր Արևելքի տեխնիկական համալսարանի (METU) ուսանողները Անկարայում մասնակցել են բողոքի ակցիայի։ Նրանք հավաքվել են հանրակացարանի տարածքում ու երթի դուրս եկել։
Ուսանողները վանկարկել են «Հեռացե՜ք կառավարությունից», «Ճգնաժամի բեռը շեֆերի ուսերին է», «Լույսը միացրե՛ք, լամպը պայթի»։ Մասնակիցներից ոմանք երթի էին եկել կաթսաներով ու թավաներով։
Թուրքիայի իշխանությունները դեռ չեն հայտնել ձերբակալությունների մասին, սակայն ականատեսների նկարահանած կադրերում երևում են , թե ինչպես են ոստիկանները բերման ենթարկում ուսանողներից մեկին։
Տեսանյութը կարող եք դիտել՝ անցնելով այս հղումով։
Տաթև Ֆռանգյան
