27.04.2025 | 21:41
Վիզայի ժամկետից ավել մնալու դեպքում կարող է սահմանվել մշտական մուտքի արգելք․ ԱՄՆ դեսպանատուն
Գորիս-Կապան ճանապարհի մի փոքր հատված ՀՀ տարածքում չէ. Փաշինյան․ ՏԵՍԱՆՅՈւԹ
Քաղաքականություն
23.11.2021 | 21:21
1991-ին, երբ անկախացել են պետությունները, փոխադարձաբար իրար տարածքային ամբողջականությունը ճանաչել են։ Այսօր կայացած մամուլի ասուլիսի ժամանակ հայտարարեց վարչապետ Նիկոլ Փաշինյանը` պատասխանելով հարցին, թե ինչո՞ւ չի հանրայնացվում սահմանազատման մասին փաստաթուղթը։
Արդյո՞ք սահմանազատման առաջարկվող փաստաթղթով չի նշանակում Արցախից հրաժարում, և կարո՞ղ է նա երաշխավորել, որ գործընթացի արդյունքում ՀՀ սուվերեն տարածքից օկուպացված 41 քկմն կվերականգնվի։ Այս հարցին ի պատասխան Փաշինյանը պատասխանեց. «1991-ին, երբ անկախացել են մեր պետությունները, փոխադարձաբար տարածքային ամբողջականությունը ճանաչել են։ Այն ժամանակ նշանակե՞լ է, որ ՀՀժն Արցախից հրաժարվում է»:
Իսկ ինչ վերաբերվում է սահմանազատմանը, ապա այն, ըստ վարչապետի, գործընթաց է, որտեղ ՀՀ-ն պետք է իր իրավունքները և շահերը, տարածքային ամբողջականությունը պաշտպանի` սա աներկբա է»։
Փաշինյանը նշեց, որ ՀՀ ասելով պետք է հասկանանք կոնկրետ տարածք միլիմետրի ճշգրտությամբ` սա է մեր ինքնիշխանությունը պահպանելու անկյունաքարային ամենակարևոր երաշխիքը. մենք միջազգային իրավունքի սուբյեկտ ենք կոնկրետ այդ տարածքում։
Նրա խոսքով` շատ է քննարկվում, որ Գորիս–Կապան ճանապարհի մի հատված ինչ–որ քարտեզով ՀՀ տարածքում է, սակայն որևէ դե յուրե նշանակություն ունեցող քարտեզով այդ տարածքը Հայաստանի տարածքում չէ։
«Սա ոչ թե պրոադրբեջանական հայտարարություն է, այլ սրանով հաստատում ենք, որ Ադրբեջանն ագրեսոր է։ Մեզ համար պարզ է` որտեղ է ՀՀ սահմանը և բոլոր նրանք, ովքեր ասում են, որ պարզ չի ՀՀ տարածքը, ջուր են լցնում Ադրբեջանի ջրաղացին»,- նշեց վարչապետը։
Մանրամասները՝ տեսանյութում:
