18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Եթե Հայաստանում տվող կառավարություն լիներ, այդ կրակոցները չէին լինի. Փաշինյան․ ՏԵՍԱՆՅՈւԹ
Քաղաքականություն
23.11.2021 | 20:48
«Ասում է՝ այ, որ գրած է անարգել երթևեկություն, դա նշանակում է սուվերեն միջանցք. ավելի տրամաբանական չէ՞ մտածել, որ եթե դա նշանակեր սուվերեն միջանցք, գրված կլիներ սուվերեն միջանցք. մանավանդ, որ այդ նույն փաստաթղթում միջանցք բառն օգտագործված է՝ Լաչինի միջանցքի մասով: Եվ գրված է, որ Լաչինի միջանցքը գտնվում է Ռուսաստանի վերահսկողության տակ»,- այս մասին այսօր հրավիրված մամուլի ասուլիսի ժամանակ նշեց ՀՀ վարչապետ Նիկոլ Փաշինյանը:
«Հաջորդ հարցը, ի կատարումն 9-րդ կետի ընդունվել է հունվարի 11-ի հայտարարությունը: Հունվարի 11-ի հայտարարության հիման վրա ստեղծվել է եռակողմ աշխատանքային խումբ: Այդ խումբը արձանագրել է, որ վերագործարկվող ճանապարհները գործելու են երկրների սուվերենության և տարածքային ամբողջականության շրջանակներում: Այսինքն ճանապարհը, որով անցնում են, պետք է լինի տվյալ երկրի սուվերենության ներքո: Ճանապարհների օգտագործումը պետք է տեղի ունենա պարիտետային սկզբունքով:
Աշխատանքային մակարդակով մենք երբեք Ադրբեջանից միջանցք արտահայտություն չենք լսել: Եռակողմ աշխատանքային խմբում արձանագրվել է, որ միջանցք չկա: Հաջորդը, ինչո՞ւ մեզ համար պետք է ընդունելի լինի այն, ինչը չկա: Ինչո՞ւ մենք դա պետք է ընդհանրապես քննարկենք: Այստեղ է, որ Ադրբեջանի շանտաժի քաղաքականությունն է. անունը դրել են Զանգեզուրի միջանցք, և ասում են՝ եթե դուք միջանցք չտաք, մենք պատերազմով այդ միջանցքը կստանանք: Մենք այս փաստը պետք է դնենք միջազգային հանրության առջև, և պետք է սա ի ցույց դնենք որպես Ադրբեջանի բացահայտ ագրեսիվ քաղաքականություն, որը պետք է համարժեք միջազգային գնահատականի արժանանա»,- հայտարարեց վարչապետը:
«Ես ուզում եմ մեր ժողովուրդը հասկանա, թե ինչ է տեղի ունենում: Այսօր ասում են՝ միջանցք են տալիս, Սյունիքն են տալիս, էս են տալիս, էն են տալիս: Ժողովո՛ւրդ ջան, եթե Հայաստանում տվող կառավարություն լիներ, կրակոցները չէին լինի, ի՞նչ իմաստ կունանենային այդ կրակոցները: Այդ ագրեսիվությունը մեր կառավարության նկատմամբ բոլոր կողմերից չէին լինի, եթե մենք հեշտ տվող լինեինք կամ ընդհանրապես տվող լինեինք: Մենք ամեն հնարավոր ձևերով փորձում ենք Հայաստանի շահերը պաշտպանել և դրա համար հարվածներ ենք ստանում»,- նշեց Փաշինյանը:
Մանրամասները՝ տեսանյութում:
