18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Ղարաբաղյան հարցի կարգավորումը 3+3 ձևաչափում չպետք է քննարկվի. Նիկոլ Փաշինյան․ ՏԵՍԱՆՅՈւԹ
Քաղաքականություն
23.11.2021 | 20:43
Նոյեմբերի 7-ին Հանրային հեռուստաընկերությանը տված հարցազրույցում ես ասել եմ, որ այստեղ մեզ համար կա մի կարևոր նրբություն՝ մեզ համար չափազանց կարևոր է, որ այն հարցերը, որոնց քննարկման համար արդեն իսկ կան ձևավորված ֆորմատներ, դրանք «3+3»-ում չենք քննարկում: Այս այսօր հրավիրված ասուլիսի ժամանակ հայտարարեց վարչապետ Նիկոլ Փաշինյանը՝ անդրադառնալով տարածաշրջանային «3+3» ձևաչափին մասնակցելու Վրաստանի հրաժարվելուն և ՀՀ դիրքորոշմանը:
«Օրինակ, Ղարաբաղի հարցի կարգավորումը, որի համար կա Մինսկի խմբի համանախագահության ձևաչափը, «3+3»-ում չենք քննարկելու:
Տարածաշրջանային կոմունիկացիաների ապաշրջափակման հարցը քննարկելու համար կա՞ եռակողմ հանձնաժողովը, դա «3+3»-ում չպետք է քննարկվի:
Պետք է քննարկվեն այնպիսի հարցեր, որոնք ունեն կոնտեքստային նշանակություն և չեն քննարկում այլ ձևաչափերում քննարկվող հարցերը: Կարո՞ղ են գտնվել այդպիսի հարցեր, կապրենք՝ կտեսնենք:
Կառավարության ծրագրում հստակ նշել ենք, որ առանձնահատուկ տեղ ենք հատկացնելու տարածաշրջանային քաղաքականությանը՝ մեզ համար շատ կարևոր են հարաբերությունները ԵԱՏՄ-ի շրջանակում, ՌԴ-ի, ՀԱՊԿ-ի, ԵՄ-ի, ԱՄՆ-ի հետ, բայց ուզում ենք ավելի ակտիվ տարածաշրջանային քաղաքականություն վարել:
Շատ կարևոր են հարաբերությունները նաև Վրաստանի հետ: Եթե մենք տեսնենք, որ մեր հարաբերությունները ակտիվացնելու և պոզիտիվ օրակարգ ձևավորելու հնարավորություն կա, միգուցե և քննարկենք այդ հնարավորությունը: Այս պահին սա է մեր դիրքորոշումը, մնացածը հետագայում կերևա»,- հայտարարեց Փաշինյանը:
Մանրամասները՝ տեսանյութում:
