10.01.2026 | 13:18
Եկեղեցին պետք է լինի այն տարածքը, որտեղ մարդիկ դադարում են լինել ընդդիմադիր կամ պրոկառավարական․ Փաշինյան
Թուրքիայի խորհրդարանում պատգամավորների միջև ծեծկռտուք է տեղի ունեցել
Քաղաքականություն
23.11.2021 | 19:26
Թուրքիայի խորհրդարանում պատգամավորների միջև ծեծկռտուք է տեղի ունեցել այն բանից հետո, երբ աջ ծայրահեղական Ազգայնական շարժում կուսակցության պատգամավոր Օլջայ Քըլավուզը վիրավորել է Ժողովուրդների դեմոկրատական կուսակցության նախկին նախագահ Սալահեթթին Դեմիրթաշին, գրում է Duvar-ը։
«Սալահեթթին Դեմիրթաշն անարժանապատիվ ահաբեկիչ է, կեղտոտ մարդ»,- ասել է Քըլավուզը՝ զայրացնելով Ժողովուրդների դեմոկրատական կուսակցության (HDP) պատգամավորներին։
Լեզվակռվից հետո, որի ընթացքում պատգամավորները միմյանց անվանել են ահաբեկիչներ, նրանք անցել են ֆիզիկական ուժի գործադրման ու ծեծկռտուքի։
Ներքին գործերի նախարարության բյուջեի շուրջ քննարկումներն անցել են լարված մթնոլորտում, հիմնականում ներքին գործերի նախարար Սուլեյման Սոյլուի՝ իր հասցեին բազմաթիվ մեղադրանքների վերաբերյալ հարցերին չպատասխանելու դժկամության պատճառով։
Սոյլուն նախընտրել է վիրավորել պատգամավորներին, այլ ոչ թե պատասխանել նրանց հարցերին, իսկ գլխավոր ընդդիմադիր Ժողովրդահանրապետական կուսակցության պատգամավոր Ալի Մահիր Բաշարըրին էլ անվանել է «թունավոր օձ»։
Էմմա Չոբանյան
