19.05.2026 | 18:51
Բելառուսը մտադիր է մասնակցել Արցախի տարածքներում նախագծերին
Էրդողանը հայտարարել է, որ Թուրքիան հաղթող է դուրս գալու «ներկա տնտեսական ազատագրական պատերազմից»
Քաղաքականություն
23.11.2021 | 16:30
Թուրքիայի նախագահ Ռեջեփ Թայիփ էրդողանն անհեռանկարային է անվանել երկրի վրա տնտեսական ճնշում գործադրելու փորձերը, այդ թվում՝ ֆինանսական համակարգի ապակայունացման միջոցով։ Այս մասին գրում է «Անադոլու» գործակալությունը։
«Մենք տեսնում ենք խաղը, որ վարում են նրանք, որոնք ցանկանում են մեր երկիրը դուրս բերել խաղաղ հունից փոխարժեքների, տոկոսադրույքների ու գների աճի միջոցով։ Մենք շարունակելու ենք հետևել սեփական «խաղի պլանին»»,- ասել է Էրդողանը։
Նա վստահություն է հայտնել, որ Թուրքիան հաղթող դուրս կգա ներկայիս «տնտեսական ազատագրական պատերազմից»՝ այնպես, ինչպես նախկինում հաղթահարել է տարբեր «ծուղակներ ու դժվարություններ»։
Էրդողանն ասել է, որ երկրի իշխանությունները մտադիր են կանխել փոխարժերքի աճի պատրվակով գների չափից ավելի բարձրացման փորձերը։ Ըստ Թուրքիայի ղեկավարի՝ կառավարությունը մտադիր է օգտագործել ֆինանսական ճգնաժամերը կառավարելու Թուրքիայի փորձը «ճգնաժամային այն փուլի ֆոնին, որն ապրում է աշխարհը»։
Էրդողանը հավելել է, որ Թուրքիան մտադիր է տնտեսական քաղաքականություն վարել՝ կենտրոնացած ներդրումների, արտադրության, զբաղվածության ու արտահանման վրա, այլ ոչ թե բարձր տոկոսադրույքների։
Էմմա Չոբանյան
