19.11.2024 | 18:23
Պարոն Իսկանդարյան, «калькулятор»-ը հանեք, հաշվենք․ Ավինյանը տրանսպորտի վճարների մուտքերն է հաշվում․ ՏԵՍԱՆՅՈՒԹ
Էրդողանը բացառել է Թուրքիայում արտահերթ նախագահական և խորհրդարանական ընտրությունների անցկացումը
Քաղաքականություն
23.11.2021 | 18:26
Թուրքիայի նախագահ Ռեջեփ Թայիփ Էրդողանը բացառել է երկրում արտահերթ նախագահական և խորհրդարանական ընտրությունների անցկացումը՝ չնայած թուրքական լիրայի անկման ֆոնին ընդդիմության համապատասխան կոչերին, գրում է ՏԱՍՍ-ը։
«Մենք առանց բացառության բոլոր ընտրություններից հաղթող ենք դուրս եկել: Եվ ես հայտարարում եմ, որ արտահերթ ընտրություններ չեն լինելու, դրանք տեղի կունենան 2023 թվականին, ինչպես նախատեսված էր»,- երեքշաբթի խորհրդարանում ունեցած ելույթում ասել է Թուրքիայի ղեկավարը։
Նկատենք, որ դոլարի նկատմամբ Թուրքիայի ազգային արժույթի փոխարժեքը նոյեմբերի սկզբից իջել է 9,55-ից մինչև 12,27 թուրքական լիրա (նոյեմբերի 23-ի դրությամբ)՝ 1 ԱՄՆ դոլարի դիմաց։ Վերջին օրերին արժույթի արագ անկումը պայմանավորված է հանրապետության Կենտրոնական բանկի՝ զեղչային տոկոսադրույքը 16-ից 15% իջեցնելու որոշմամբ։
Այս ֆոնին Թուրքիայի ընդդիմադիր կուսակցությունների ներկայացուցիչները կոչ են արել երկրում արտահերթ ընտրություններ անցկացնել։
Տաթև Ֆռանգյան
