01.03.2026 | 01:10
Իրանը հերքում է այաթոլլա Ալի Խամենեիի սպանության մասին լուրերը
Ապօրինի ներգաղթյալները կրկին փորձել են Բելառուսից ներխուժել Լեհաստան
Քաղաքականություն
22.11.2021 | 17:06
Գրեթե 150 միգրանտից բաղկացած խումբը նոյեմբերի 21-ի լույս նոյեմբերի 22-ի գիշերը ապօրինի կերպով բելառուսա-լեհական սահմանով Եվրամիության տարածք ներխուժելու փորձ է արել։
Դեպքը տեղի է ունեցել Դուբիչ-Ցերկևնայում գտնվող ֆորպոստի կողմից հսկվող վայրում, միգրանտների գործողությունները վերահսկվել են բելառուսական հատուկ ծառայությունների կողմից, ասված է Լեհաստանի սահմանապահ ծառայության Twitter-ի միկրոբլոգում։
DW-ի ռուսական ծառայությունը նշում է, որ Լեհաստանը լրագրողներին թույլ չի տալիս մուտք գործել սահմանային գոտի, ուստի անկախ աղբյուրներից այս տեղեկությունը չի հաստատվել։
Եվրամիությունը Բելառուսի նախագահ Ալեքսանդր Լուկաշենկոյին մեղադրում է ճգնաժամային շրջաններից ներգաղթյալներին ԵՄ արտաքին սահման ուղարկելը կազմակերպելու մեջ, որպեսզի ճնշում գործադրի Արևմուտքի վրա՝ ԵՄ-ի կողմից Մինսկի դեմ սահմանված պատժամիջոցների համար։
Տաթև Ֆռանգյան
