22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Եթե հայ ժողովուրդը շարունակի հետ մղել Արևմուտքի, ԱՄՆ-ի մեկնած ձեռքը, Հայաստանը կկործանվի. Հայկ Մարտիրոսյան. ՏԵՍԱՆՅՈՒԹ
Քաղաքականություն
22.11.2021 | 15:19
«Մենք այստեղ ենք հավաքվել, որպեսզի հայ ժողովրդի անունից շնորհակալությույն հայտնենք այն իրավարար վճռի համար, որն ԱՄՆ-ը, ի դեմս նախագահ Վիլսոնի, տվել է Հայաստանին, այսինքն՝ ըստ էության ստեղծել է հայկական պետություն, որը ցավոք այն սահմաններով, որով ստեղծեց, իրականություն չդարձավ, որովհետև տեղի ունեցավ ռուս-թուրքական բոլշևիկաքեմալյան համաձայնագիր, որի արդյունքում Հայաստանը մնաց այն, ինչ այսօր նույնպես մեզ պարտադրվում է, բայց դա անփոփոխ և պարտադիր վճիռ է, որն ուժի մեջ է մնալու. դա մեր պետության և պետականության հիմքն է»,- ԱՄՆ դեսպանատան մոտ Ազգային-Ժողովրդավարական Բևեռի կազմակերպված հավաքի ժամանակ Factor.am-ի հետ զրույցում այս մասին նշեց Ազգային-ժողովրդավարական բևեռի ներկայացուցիչ, քաղաքագետ Հայկ Մարտիրոսյանը:
«Մենք այստեղ ենք նաև նրա համար, որ հայ ժողովրդի կողմից երախտագիտություն հայտնենք ԱՄՆ-ին, որ անտեսանելիորեն պահում է ՀՀ սահմանները՝ դիվանագիտական և քաղաքական ճանապարհներով»,- նշեց Մարտիրոսյանը:
Քաղաքագետի խոսքով՝ ԱՄՆ-ը ընդդիմանում է «Զանգեզուրի միջանցքի» բացմանը:
«Եթե հայ ժողովուրդը շարունակի հանդուրժել դավաճանական ռեժիմը, շարունակի հետ մղել Արևմուտքի, մասնավորապես ԱՄՆ-ի մեկնած ձեռքը, և շարունակի վախվորած կառչել Ռուսաստանից, Հայաստանը կկործանվի»,- ընդգծեց քաղաքագետը:
Մանրամասները՝ տեսանյութում:
