07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
ՌԴ-ում վթարի ժամանակ մեքենայի բեռնախցիկից դի է ընկել․ սպանվածը հայ է
21.11.2021 | 19:37
Լենինգրադի մարզի Վսեվոլոժսկի շրջանում Mitsubishi Galant մակնիշի ավտոմեքենան բախվել է արգելապատնեշին, ինչից հետո բեռնախցիկից տղամարդու դի է ընկել:
Ինչպես փոխանցում է Korrespondent.net-ը, միջադեպը տեղի է ունեցել առավոտյան՝ ժամը 4:10-ի սահմաններում։
Ականատեսների խոսքով ՝ վթարից հետո մեքենայից մի քանի մարդ է դուրս եկել և փախուստի դիմել։
Ինչպես հայտնի է դարձել ավելի ուշ, սպանվածը Երևանի բնակիչ 50-ամյա Արկադի Ղաինյանն է, որը 1996-ից բնակվում է Սանկտ Պետերբուրգում: Նախնական տվյալներով ՝ նա ունեցել է անվադողային բիզնես։
Ավելի ուշ դեպքի վայրի զննությամբավտոմեքենայի բեռնախցիկում հայտնաբերվել են երկու բահ, ճոպան և պարկեր: Դատելով ամենից ՝ չարագործները տանում էին դիակը թաղելու։
Ճշտված տվյալներով ՝ Ղազինյանի սպանությունը տեղի է ունեցել Սանկտ Պետերբուրգի Կալինինի շրջանում։ Տղամարդու հետ հաշվեհարդար են տեսել «Լագունա» ավտոտնակում։
Ինչպես փոխանցում է Iz.ru-ն, սպանության օրը Ղազինյանը ծանոթների հետ ալկոհոլ է օգտագործել կոոպերատիվում, որտեղ նա նաև մեքենաներ է վերանորոգել: Ըստ որոշ տեղեկությունների ՝ Ղազինյանի և նրա ծանոթների միջև կոնֆլիկտ է տեղի ունեցել, որի ընթացքում գործարարը սպանվել է հյուրերից մեկի կողմից, ով այնուհետև հրկիզել է ավտոտնակը։
Ոստիկանները Լենինգրադի մարզում ձերբակալել են փախուստի դիմած երեք տղամարդու։
