08.08.2026 | 13:20
«Ծիրան» սուպերմարկետում հացի արտադրամասի գործունեությունը կասեցվել է՝ սանիտարական խախտումների պատճառով
Շախմատի ԵԱ. տղամարդկանց հավաքականը վստահ հաղթանակ տարավ և առաջատարների թվում է
21.11.2021 | 10:08
Սլովենիայում ավարտին է մոտենում շախմատի՝ տղամարդկանց և կանանց Եվրոպայի թիմային առաջնությունը։
Armsport.am-ի տեղեկացմամբ` Նախավերջին տուրում տղամարդկանց Հայաստանի հավաքականը 3,5-0,5 հաշվով վստահ հաղթանակ տարավ Սերբիայի նկատմամբ։ Իրենց պարտիաները հաղթանակով ավարտեցին Հայկ Մարտիրոսյանը, Ռոբերտ Հովհաննիսյանը և Սամվել Տեր-Սահակյանը։ Գաբրիել Սարգսյանն իր պարտիան ավարտեց ոչ ոքի։
Այս հաղթանակի շնորհիվ մեր ընտրանին վաստակեց 12 միավոր և առաջատարների թվում է։
Կանանց Հայաստանի հավաքականը 2-2 հաշվով ոչ ոքի խաղաց Լիտվայի հետ։ Միակ հաղթանակը տոնեց Էլինա Դանիելյանը։ Լիլիթ Մկրտչյանը և Սիրանուշ Ղուկասյանը ոչ ոքի ավարտեցին իրենց պարտիաները, իսկ Աննա Սարգսյանը պարտություն կրեց։
