06.06.2026 | 17:34
Աննախադեպ կարկուտի պատճառով Ստեփանավանի համայնքապետարանն անցել է արտակարգ ռեժիմի. հայտարարություն
Փաշինյանն ու Ալիևը կհանդիպեն Բրյուսելում
Քաղաքականություն
19.11.2021 | 23:47
ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը պայմանավորվել են ուղիղ կապ հաստատել պաշտպանության նախարարների մակարդակով՝ Լեռնային Ղարաբաղում միջադեպերից խուսափելու համար։ Այս մասին ասվում է Եվրախորհրդի հայտարարության մեջ, որն արվել է ուրբաթ օրը ԵԽ նախագահ Շառլ Միշելի՝ երկու երկրների ղեկավարների հետ ունեցած բանակցություններից հետ, փոխանցում է ТАСС-ը։
«Հայաստանի և Ադրբեջանի առաջնորդների հետ հեռախոսային զրույցների արդյունքում երկու երկրների միջև պայմանավորվածություն է ձեռք բերվել ուղիղ կապ հաստատել պաշտպանության նախարարների մակարդակով, ինչը հիմք կծառայի Լեռնային Ղարաբաղում միջադեպերից խուսափելու համար»,-նշվում է հաղորդագրության մեջ։
Շառլ Միշելը նաև իր թվիթերյան էջում հայտնել է, որ ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը համաձայնել են հանդիպում անցկացնել դեկտեմբերի 15-ին Բրյուսելում նախանշված ԵՄ և Արևելյան գործընկերության գագաթնաժողովին։
