06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Տաշիրում ոստիկանների ստուգման արդյունքում հայտնաբերվել է ապօրինի փայտանյութ
Հասարակություն
19.11.2021 | 10:07
Նոյեմբերի 14-ին ճանապարհային ոստիկանության 2-րդ սպայական գումարտակի 5-րդ սպայական վաշտի աշխատակիցներն ու Տաշիրի բաժնի ոստիկանները համատեղ ծառայություն իրականացնելիս Տաշիր քաղաքի Ջահուկյան փողոցում ստուգման են ենթարկել Լոռու մարզի Սարչապետ գյուղի բնակիչ, 56-ամյա մի տղամարդու վարած «Ֆորդ Տրանզիտ» մակնիշի ավտոմեքենան. տեղեկացնում են ՀՀ ոստիկանությունից։
Կասկածանքն ապօրինի փայտանյութ տեղափոխելն էր: Մեքենան բեռնված էր մոտ երկու խորանարդ մետր վառելափայտով, ինչի վերաբերյալ վարորդը համապատասխան փաստաթուղթ չի ներկայացրել: Հայտնել է, որ փայտանյութը հատել է Տաշիրի անտառպետության 5-րդ պահաբաժնից և ցանկացնում էր տեղափոխել իր տուն:
Փայտանյութով բեռնված մեքենան տեղափոխվել է ոստիկանության Տաշիրի բաժնի պահպանվող հատուկ տարածք:
Նշանակվել է մասնագիտական ստուգում, հանգամանքները պարզվում են:
