12.03.2026 | 23:35
Վթար Երասխ-Երևան ավտոճանապարհին․ կան տուժածներ
Պուտինը հայտարարել է, որ ՀՀ-ի և Ադրբեջանի միջև վիճելի հարցերի լուծման գործում ավելանում է ՌԴ միջնորդական ջանքերի շարունակման կարևորությունը
Քաղաքականություն
18.11.2021 | 18:06
Հայաստանի և Ադրբեջանի միջև վիճելի հարցերի լուծման գործում ավելանում է Ռուսաստանի միջնորդական ջանքերի շարունակման կարևորությունը: Այս մասին հայտարարել է ՌԴ նախագահ Վլադիմիր Պուտինը՝ ելույթ ունենալով ՌԴ ԱԳՆ Կոլեգիայի ընդլայնված նիստին։
Ըստ Պուտինի՝ Հայաստանի և Ադրբեջանի սահմանին տեղի ունեցող իրադարձությունները խոսում են այն մասին, որ իրավիճակը տարածաշրջանում դեռևս ամբողջությամբ չի հանդարտվել։
«Հայ-ադրբեջանական սահմանին վերջին փոխհրաձգությունները ցույց են տվել, որ իրավիճակն այդ տարածաշրջանում չի հանդարտվել։ Կայունության ապահովման հարցում ծայրահեղ պահանջված է ՌԴ խաղաղապահ զորախմբի գործունեությունը՝ որպես տարածաշրջանում խաղաղության պահպանման և խաղաղ բնակչության անվտանգության ապահովման երաշխավոր։ Անկասկած, մեծանում է ՌԴ դիվանագիտության դերակատարությունը՝ Հայաստանի և Ադրբեջանի միջև վիճելի հարցերի լուծման, տարածաշրջանում տնտեսական կապերի վերականգնման, կենսական նշանակություն ունեցող տրանսպորտային միջանցքների բացման գործում»,- հայտարարել է Պուտինը՝ նշելով, որ այս հարցերով զբաղվելու համար փոխվարչապետերի մակարդակով ստեղծվել է միջգերատեսչական հանձնաժողով։
ՌԴ ղեկավարը նաև շեշտել է, որ տարածաշրջանի բոլոր երկրները, այդ թվում՝ Ռուսաստանը, շահագրգռված են այդ խնդիրների երկարաժամկետ կարգավորման հարցում։
Տաթև Ֆռանգյան
