16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ուզում ենք՝ Ռուսաստանի կողմից ուշացումներ չլինեն, եթե մի բան պարտավորված են՝ կատարեն. Գագիկ Մելքոնյան․ ՏԵՍԱՆՅՈՒԹ
Քաղաքականություն
18.11.2021 | 15:49
Երեկ Կառավարության հետ հարցուպատասխանի ժամանակ վարչապետ Նիկոլ Փաշինյանը հայտարարեց, որ չկա Ղարաբաղյան խնդրի հայանպաստ կամ ադրբեջանանպաստ լուծում, կա լուծում կամ չլուծում: Factor.am-ի հետ զրույցում անդրադառնալով այս դիտարկմանը և հարցին, արդյո՞ք հնարավոր է մոտ ապագայում Ադրբեջանի հետ եզրեր գտնել այդ հարցի լուծմանը հասնելու համար՝ «Քաղաքացիական պայմանագիր» խմբակցության պատգամավոր Գագիկ Մելքոնյանը նշեց. «Մենք բազմաթիվ խողովակներից տեղեկանում ենք, որ այդ հարցը Մինսկի խումբը ավարտված չի համարում, և այդ հարցը պետք է լուծվի Մինսկի խմբի շրջանակներում: Հուսով եմ, որ շուտով կսկսվեն գործընթացները, և Մինսկի խումբը կսկսի իր աշխաանքները»:
Անդրադառնալով հարցին, թե արդյոք իշխանական մի քանի պատգամավորների ելույթների, որոնք ընդդիմության գնահատմամբ՝ հակառուսական էին, ռիսկերը հաշվի էին առնվել, Մելքոնյանը պատասխանեց. «Իշխանություններն աշխատում են իրենց դաշնակցի՝ Ռուսաստանի հետ, և իրենք իրենց աշխատանքները կատարում են՝ ըստ պարտավորությունների ու պարտականությունների: Ընդդիմությունն ուզում է սեպ խրել Հայաստանի և Ռուսաստանի միջև, ամեն ինչ անում է, որ Հայաստանը ավերվի ու քանդվի:
Բաներ կան, որ ռուսներն ուշանում են, մենք ուզում ենք, որ Ռուսաստանի կողմից ուշացումներ չլինեն, եթե մի բան պարտավորված ենք՝ կատարենք»:
Մանրամասները՝ տեսանյութում:
