19.04.2024 | 23:26
Գցել են գետնին, ոտքը դրել գլխին և ձեռքերը ոլորելով՝ փորձել հանել հագուստը․ խոշտանգման մասին նոր ահազանգ․ ՏԵՍԱՆՅՈՒԹ
ՌԴ-ն Աֆղանստանից կտարհանի նաև Հայաստանի քաղաքացիներին
Քաղաքականություն
18.11.2021 | 14:51
Ռուսաստանի Պաշտպանության նախարարությունը Վլադիմիր Պուտինի հանձնարարությամբ Աֆղանստանից կտարհանի 380 մարդու, գրում է ՌԻԱ Նովոստին։
«Երեք ռազմատրանսպորտային Իլ-76 օդանավեր մարդասիրական օգնություն են հասցրել Քաբուլի օդանավակայան և իրականացնում են մարդկանց տարհանում»,- հայտնել են գերատեսչությունից։
Նշվում է, որ Աֆղանստանի մայրաքաղաք է բերվել 108 տոննա մարդասիրական օգնություն։ Բացի ռուսներից՝ տարհանվում են նաև Հայաստանի, Բելառուսի, Ղրղզստանի, Ուկրաինայի և Աֆղանստանի քաղաքացիներ։
«Յուրաքանչյուր ինքնաթիռում ռազմական բժիշկների և բուժքույրերի բրիգադներ են՝ անհրաժեշտ բժշկական սարքավորումներով և դեղամիջոցներով»,- ասվում է հաղորդագրության մեջ։ Յուրաքանչյուր օդանավում կան նաև բժշկա-սանիտարական հաշվարկներ՝ անհրաժեշտ բժշկական սարքավորումներով և դեղամիջոցներով:
Նախորդ զանգվածային տարհանումն իրականացվել է օգոստոսին: Այն ժամանակ ռուս զինվորականները հայրենիք էին տեղափոխել Ռուսաստանի, Բելառուսի, Ղրղզստանի, Տաջիկստանի և Ուզբեկստանի 400 քաղաքացու:
Տաթև Ֆռանգյան
