15.05.2026 | 18:30
362 մլն դրամ եկամուտ 1 տարում․ ինչ ունեցվածք է հայտարարագրել «Բոլորին դեմ եմ»-ի առաջին համարը
Ժամանակն է ընդունել Ադրբեջանին ռազմական օգնությունը դադարեցնելու իմ առաջարկը. Բոբ Մենենդես
Քաղաքականություն
18.11.2021 | 10:42
ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսը խիստ մտահոգիչ է համարել նոյեմբերի 16-ին Ադրբեջանի կողմից ՀՀ արևելյան սահմանագոտու ուղղությամբ հարձակման հետևանքով հայ զինծառայողների զոհվելու և գերեվարվելու մասին հաղորդագրությունները:
«Հայկական կողմից զոհերի մասին լուրերն ու Ադրբեջանի կողմից հայ զինվորներին որպես քաղբանտարկյալներ պահելու մասին հաղորդագրությունները խիստ մտահոգիչ են։ Ադրբեջանին տրամադրվող պաշտպանական օգնությունն օգնում է հնարավոր դարձնել այս նողկալի գործողությունները էթնիկ հայերի դեմ: Ժամանակն է ընդունել իմ առաջարկած փոփոխությունն այդ օգնությունը դադարեցնելու մասին»,- Twitter-ում գրել է սենատոր Մենենդեսը:
Իր գրառմանը կից սենատորը հրապարակել է հայկական կողմի զոհերի ու ռազմագերիների մասին հոդված։
Տաթև Ֆռանգյան
