26.06.2026 | 11:44
Ի՞նչ եք ակնկալում ինձնից. ընտրությունների վիճարկման գործով զեկուցող դատավոր Էդգար Շաթիրյան․ ՏԵՍԱՆՅՈՒԹ
Այս հրադադարը փխրուն է, ամեն ինչ հնարավոր է լինի. Արմեն Խաչատրյան․ ՏԵՍԱՆՅՈՒԹ
Քաղաքականություն
17.11.2021 | 14:58
«Չի կարող միջանցք տրամադրվել Ադրբեջանի հանրապետությանը և ուժով որևէ երկիր, Ադրբեջանը՝ մեր թշնամի երկիրը չի կարող ստանալ այդ միջանցքը: Դա արդեն կվերածվի լայնածավալ պատերազմի և ՀՀ-ն ու մեր ժողովուրդը չի հանդուրժելու ոտնձգությունը մեր երկրի նկատմամբ: Հիմա փորձում ենք հրադադարի հասնել խաղաղ ճանապարհով»,- այսօր ԱԺ-ում լրագրողների հետ զրույցում հայտարարեց «Քաղաքացիական պայմանագիր» պատգամավոր Արմեն Խաչատրյանը:
Պատգամավորը վստահեցրեց՝ եթե թշնամական ոտնձգությունները շարունակվեն, մենք չենք հանդուրժելու. «Որևէ մեկը չի հանդուրժելու ՀՀ տարածքի վրա հարձակում: Մեր համբերությունն էլ սահման ունի: Անկախ ամեն ինչից, ռազմական առավելությունից, Սյունիքում որևէ հաջողության թշնամին չի կարող այլևս հասնել»: Հարցին՝ այդ ոտնձգությունը միջանցքի համա՞ր է՝ Արմեն Խաչատրյանը պատասխանեց, որ տարբերակներից մեկն այն է, որ այո, դա միջանցքի տրամադրման համար է:
«Իմ կարծիքով՝ հրադադարը, որ հաստատվել է ռուսական կողմի միջնորդությամբ, փխրուն է»,- ընդգծեց Արմեն Խաչատրյանը՝ հավելելով, որ բանակցությունները շարունակվում են:
Անդրադառնալով հարցին, թե ինչու է այդպես կարծում, նա պատասխանեց. «Ադրբեջանցիներին նո՞ր եք ճանաչում, քանի անգամ է հրադադար եղել 44-օրյա պատերազմի ժամանակ, տեսել ենք հրադադարի վերջը, որ չի ստացվել հրադադարը: Փառք Աստծո, արդեն քանի ժամ հրադադարը կա, բայց դա չի նշանակում, որ դա հաստատ հրադադար է, ամեն րոպե կարող է փոխվել»:
Մանրամասները՝ տեսանյութում:
