12.01.2025 | 18:04
ՀՀ ԱԳՆ-ն ամփոփել է 2024թ․-ին հյուպատոսական ծառայություններում արձանագրված փոփոխությունները
2022 թվականի համար նախանշվել է տնտեսական աճի 7% ցուցանիշ և ներուժի արագացում․ ԿԲ նախագահ․ ՏԵՍԱՆՅՈՒԹ
Տնտեսություն
17.11.2021 | 12:42
ԱԺ-ն քննարկում է 2022 թվականի «ՀՀ պետական բյուջեի մասին» օրենքի նախագիծը:
Հարակից զեկուցող ԿԲ նախագահ Մարտին Գալստյանը ներկայացրեց Կենտրոնական բանկի եզրակացությունը:
«2022 թվականի բյուջեի ծրագիրը բավականին հավակնոտ է… 2022թ. բյուջեի համար նախանշվել է տնտեսական աճի 7% ցուցանիշ և ներուժի արագացում… 2022-ին կշարունակվի համախառն պահանջարկի արագ վերականգնումը»,- ընդգծեց ԿԲ նախագահը:
Նա նաև հավելեց, որ տնտեսության վրա ազդեցության տեսանկյունից կարևոր է համարվում ներդրումների խրախուսմանը և արտահանումների խթանմանն ուղղված միջոցառումներն ու քննարկումները:
Գալստյանի խոսքով՝ 2022 թվականին ակնկալվում է, որ հարկեր-ՀՆԱ ցուցանիշը էական՝ 0.9 տոկոսային կետով աճ կունենա, որի պայմաններում պետական բյուջեի եկամուտները համախառն պահանջարկի վրա կունենան զսպող ազդեցություն:
«Գնահատվում է, որ 2022 թվականի պետական բյուջեի նախագծով նախանշված սահուն կոնսոլիդացիայի վարքագիծը և սահմանված հարկաբյուջետային կանոնների պահպանումը կնպաստեն ՀՀ պետական պարտքի բեռի նվազեցմանը և մակրոտնտեսական կայունության ապահովմանը»,- ասաց Գալստյանը:
Մանրամասները՝ տեսանյութում:
