26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Գյումրու Լալայան փողոցում՝ հայկական զորամասի պարսպից դուրս, պայթյուն է տեղի ունեցել․ երիտասարդ տղա է տուժել
16.11.2021 | 17:07
Քիչ առաջ Գյումրու Լալայան փողոցում՝ հայկական զորամասի պարսպից դուրս, պայթյուն է տեղի ունեցել, մեկ անձ տեղափոխվել է հիվանդանոց։
Factor.am-ին այս տեղեկությունը հաստատեց ՀՀ ոստիկանության լրատվության վարչության պետի տեղակալ Էդգար Ջանոյանը։
Գյումրի բժշկական կենտրոնի փոխտնօրեն Արմեն Խաչատրյանից էլ տեղեկացանք, որ հիվանդանոց է տեղափոխվել մի երիտասարդ՝ կրծքավանդակի ստորին վերջույթների բազմաբեկորային վնասվածքով, պնևմոթորաքսով, շոկային վիճակում։
Նրան րոպեներ առաջ վիրահատել են, տեղափոխել վերակենդանացման բաժանմունք, վիճակը ծանր է։ Նախնական տեղեկություններով, նա 18 տարեկան է։ Մսի կոմբինատ թաղում գտնվող հայկական զորամասից դուրս գալով՝ աշխատակիցները տեսել են մի երիտասարդի՝ վիրավորում ստացած։ Կատարվում է նախաքննություն, հանգամանքները պարզվում են։
Արմիկ Մովսիսյան
