15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
Հայկական կողմը նոյեմբերի 14-ին ունեցել է դիրքային կորուստներ․ ՀԱՊԿ-ը մինչ օրս չի գործել․ Աղաջանյան. ՏԵՍԱՆՅՈՒԹ
Քաղաքականություն
16.11.2021 | 14:15
ԱԺ արտաքին հարաբերությունների մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Էդուարդ Աղաջանյանն այսօր ԱԺ նիստում հանդես եկավ նոյեմբերի 14-ին հայ–ադրբեջանական սահմանին տեղի ունեցած դեպքերի մասին հայտարարությամբ։
«Ադրբեջանը շարունակում է Հայաստանի հետ սահմանին ագրեսիվ և սադրիչ գործողություններ իրականացնելու քաղաքականությունը։ Ինչպես հայտարարել է ՀՀ ԱԽ–ը, նոյեմբերի 14-ին Հայաստան – Ադրբեջան սահմանի արևելյան տեղամասերից մեկում ադրբեջանական զինվածուժերը, զինտեխնիկայի աջակցությամբ ներխուժել են ՀՀ տարածք։ Բանակցությունների արդյունքում զինտեխնիկայի մեծ մասը հետ է քաշվել, բայց հայկական կողմն ունեցել է դիրքային կորուստներ»,- հայտարարեց Աղաջանյանը։
Նրա խոսքով` այս գործողության արդյունքում Ադրբեջանն ամրապնդել է դեռևս 2021թ. մայիսի 12-ից ՀՀ տարածքում իր ունեցած ապօրինի ներկայությունը։
«Մայիսի 12-ի ներթափանցումից հետո Ադրբեջանը օկուպացիայի ներքո է պահում ՀՀ ինքնիշխան տարածքի շուրջ 41 քառ.կմ տարածքը` շուրջ 11 տեղամասերում»,- նշեց Աղաջանյանը:
Նա նաև հավելեց, որ սահմանին հրադադարի խախտումները կրում են ամենօրյա բնույթ և հիշեցրեց, որ մայիսի 12-ից հետո ՀՀ-ն դիմել էր ՀԱՊԿ-ին հայ -ադրբեջանական սահմանին մոնիթորինգ անելու առաջարկով, բայց մինչ օրս այդ նախաձեռնությունը կյանքի չի կոչվել։
Մանրամասները՝ տեսանյութում:
