12.03.2026 | 23:35
Վթար Երասխ-Երևան ավտոճանապարհին․ կան տուժածներ
ԱԺ մանդատները վայր դնելու հարցը մեր օրակարգից դուրս չի եկել. Արծվիկ Մինասյան․ ՏԵՍԱՆՅՈՒԹ
Քաղաքականություն
16.11.2021 | 11:34
Որևէ բան մեզ չի կաշկանդում, որ վայր դնենք պատգամավորական մանդատները, ԱԺ-ում հրավիրված մամուլի ասուլիսին հայտարարեց «Հայաստան» խմբակցության քարտուղար Արծվիկ Մինասյանը։
«Մենք ասել ենք, որ մանդատներն օգտագործելու ենք բոլոր հնարավոր ելքերով, այդ թվում՝ բացահայտելով այս իշխանությունների ապօրինությունները, ազգադավ լինելը։ Մենք իրականացնելու ենք բոլոր այն գործողությունները, որը հնարավորություն է տալիս մանդատը։ Այո՛, նաև մանդատները վայր դնելու հարցը մեր օրակարգից դուրս չի եկել։ Բայց դա կլինի այն ժամանակ, երբ կտեսնենք, որ դրանով կհասնենք մեր վերջնանպատակին՝ կփոխենք կապիտուլացված իշխանությանը, երկրում կվերականգնենք ազգային իշխանություն և կձևավորենք սահմանադրական կարգ», – նշեց Արծվիկ Մինասյանը՝ հավելելով, որ «Հայաստան» խմբակցության 29 պատգամավորը, որոնցից 3-ը կալանավորված է, որևէ ձևով կաշկանդված չէ որևէ մանդատի կամ կարգավիճակի առկայությամբ։
«Մենք առաջիկայում էլի մեկ հայտարարությամբ հանդես կգանք, որի մասին, թույլ տվեք չասել, որովհետև սպասում ենք մեկ այլ գործողության», – նշեց Մինասյանը։
Մանրամասները՝ տեսանյութում:
