16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Անփորձ պաշտպանության նախարարը փորձանք է երկրի գլխին. Թագուհի Թովմասյանը՝ Պապիկյանի մասին. ՏԵՍԱՆՅՈՒԹ
Քաղաքականություն
15.11.2021 | 16:34
Դեռևս պատերազմական իրավիճակում գտնվող երկրում անփորձ պաշտպանության նախարար նշանակելը փորձանք է մեր երկրի գլխին: Այս մասին Factor.am-ի հետ զրույցում նշեց «Պատիվ ունեմ» խմբակցության պատգամավոր Թագուհի Թովմասյանը, անդրադառնալով ՀՀ վարչապետ Նիկոլ Փաշինյանի նոյեմբերի 15-ին որոշմանը, ըստ որի` Արշակ Կարապետյանն ազատվել էր Պաշտպանության նախարարի պաշտոնից և նրա փոխարեն նշանակվել Սուրեն Պապիկյանը:
«Նույնիսկ զավեշտալի բնորոշումներ են պտտվում… Սուրեն Պապիկյանը հայտնի է միայն ասֆալտապատման աշխատանքների կազմակերպմամբ, մինչդեռ, որպես ՏԿԵ նախարար, ավելի լայն լիազորություններ ուներ:
Ինչ վեաբերում է նրա աշխատանքի լրջությանը, կարող եմ ասել, որ Պապիկյանն ընդամենը լինելու է Նիկոլ Փաշինյանի ներկայացուցիչը նախարարությունում և նրա հրամանները կատարելու է առանց ընդդիմանալու և առանց սեթևեթելու: Այն, ինչ չէր կարող անել Արշակ Կարապետյանը՝ լինելով բանակի երկարամյա սպա: Կարծում եմ՝ Նիկոլ Փաշինյանն այս նշանակումով ընդամենն ուզում է անվերապահորեն իրեն ենթարկվող մարդիկ, երբ չի լինի թեկուզ մասնագիտական առարկություն: Մեծ հաշվով, պաշտպանության նախարար շարունակեու է մնալ Նիկոլ Փաշինյանը:
Մանրամասները՝ տեսանյութում:
