18.01.2026 | 14:06
Թրամփը ցանկանում է մեկ միլիարդ դոլար երկրներից՝ իր ստեղծած Խաղաղության խորհրդում մշտական անդամակցության համար
Արարատի ոստիկանները բացահայտել են դանակահարության դեպքը
Հասարակություն
13.11.2021 | 16:03
Նոյեմբերի 12-ին, ժամը 21.15-ին, հիվանդանոցից ոստիկանության Արարատի բաժին հաղորդում է ստացվել, որ «գլխուղեղի փակ վնասվածք, գլխուղեղի ցնցում հարցականով, որովայնի բութ վնասվածք, կտրած-ծակած վերք, ձախ պերորիբիտալ հեմատոմաքերծված վերքեր» ախտորոշմամբ բուժօգնության է տեղափոխվել Վեդիի բնակիչ, 26-ամյա մի երիտասարդ: Ոստիկանության Արարատի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ նա վնասվածքները ստացել է Ուրցաձոր գյուղի Տիգրան Մեծի փողոցի վաճառակետի մոտ ծագած վիճաբանության ժամանակ. 30-ամյա տղամարդը ձեռքով ու ոտքով հարվածներ էր հասցրել տուժածին, ապա հարվածել դանակով. տեղեկացնում են ՀՀ ոստիկանությունից:
Բացատրական աշխատանքի արդյունքում 30-ամյա տղամարդը ներկայացել է ոստիկանության Արարատի բաժին և տվել խոստովանական բացատրություն:
Ձեռնարկվում են միջոցառումներ՝ հանցագործության գործիք դանակը հայտնաբերելու ուղղությամբ:
Կատարվում է քննություն։
