26.06.2026 | 14:22
Վարդան Ղուկասյանի նկատմամբ քրեական հետապնդում է հարուցվել՝ ոստիկանի ծառայողական գործունեությանը միջամտելու համար. ՔԿ
Շուշիի մոտ ադրբեջանցու կողմից սպանված հայ երիտասարդի բարեկամը նռնակ է նետել ադրբեջանական հենակետի վրա, ռուս խաղաղապահները ձերբակալել են. ՏԵՍԱՆՅՈՒԹ
13.11.2021 | 11:57
Այսօր՝ վաղ առավոտյան, Ստեփանակերտ-Բերձոր միջպետական ճանապարհին, Շուշի քաղաքի անցակետի մոտ, ադրբեջանցի զինծառայողների սադրիչ գործողություններին ի պատասխան, անհայտ անձը պայթուցիկ սարք է նետել անցակետի հատվածում։
Factor.tv-ն ներկայացնում է Շուշիի մոտ անցակետում տեղի ունեցած պայթյունի տեսագրությունը, որտեղ երևում է, թե ինչպես է ադրբեջանցիների ուղղությամբ նռնակ նետում նոյեմբերի 8-ին սպանված Մարտիկ Երեմյանի բարեկամն է։ Ռուս խաղաղապահները ձերբակալել են վերջինիս։
Ուշագրավ է, որ մինչ օրս չի եղել դեպք, որ ռուս խաղաղապահներըը ձերբակալեն ադրբեջանական կողմից սադրանքների հեղինակներից գեթ մեկին՝ անգամ հայ խաղաղ բնակչության սպանություններից հետո։
Նշենք, որ միջադեպի հետևանքով փակ էր նաև Ստեփանակերտ-Շուշի-Բերձոր միջպետական ճանապարհը։ Այժմ այն երկկողմանի բաց է: Միջադեպի հետևանքով ԱՀ քաղաքացիների շրջանում վիրավորներ և տուժածներ չկան։
Հիշեցնենք, որ նոյեմբերի 8-ին Արցախի Հանրապետության Շուշի-Բերձոր ավտոճանապարհի «Շուշիի տակ» կոչվող տեղանքում Ադրբեջանի Հանրապետության զինված ուժերի զինծառայողի կողմից սպանվել էր «Ջրմուղ-կոյուղի» ՓԲ ընկերության աշխատակից, Ստեփանակերտ քաղաքի՝ 1998թ․ ծնված բնակիչ Մարտիկ Երեմյանը։ Մյուս աշխատակիցների՝ Գևորգ Մելքումյանի, Գագիկ Ղազարյանի և Արմեն Սարգսյանի առողջությանը ծանր վնաս էր հասցվել:
Արփի Հակոբյան
