15.09.2026 | 22:23
Ֆուտզալի Հայաստանի հավաքականը ոչ-ոքի խաղաց Մոլդովայի հետ
Հայկական մաքսակետեր դնելու նպատակը Ադրբեջանի քաղաքացիներից գումար գանձելն է. ԱԽ քարտուղար․ ՏԵՍԱՆՅՈՒԹ
Քաղաքականություն
11.11.2021 | 12:11
Սյունիքի մարզի Գորիս – Կապան ճանապարհի դիմաց Ադրբեջանը միջանցք է պահանջել դեպի Նախիջևան։ Այս մասին այսօր կառավարության նիստից հետո լրագրողների հետ ճեպազրույցում հայտնեց ՀՀ ԱԽ քարտուղար Արմեն Գրիգորյանը` մեկնաբանելով Գորիս-Կապան ճանապարհին երեկ գիշերվանից ստեղծված նոր իրավիճակը։
«ՀՀ քաղաքացիներն այդ ճանապարհն օգտագործում էին, օրինակ, Գորիսից Կապան գնալու համար, և այդ ճանապարհի օգտագործումն Ադրբեջանի կողմից, այսպես ասած` շահարկվում էր, որ իրենք էլ ցանկանում են նույն տրամաբանությամբ ճանապարհ ստանալ դեպի Նախիջևան, որը նաև միջանցքի տրամաբանություն ունի»,- ասաց Գրիգորյանը։ ՀՀ իշխանությունների համար, նրա խոսքով, այդ պահանջն անընդունելի է եղել, ուստի որոշում է կայացվել չունենալ միջանցքային տրամաբանությամբ որևէ գործարք։
Գրիգորյանի խոսքով՝ հայկական կողմը ևս ճանապարհի այդ հատվածում մաքսակետ կտեղադրի։ Ըստ Գրիգորյանի՝ այդ ճանապարհը Ադրբեջանի քաղաքացիների կողմից հնարավոր օգտագործման դեպքում, հայկական կողմը նույնպես համապատասխան քաղաքականություն է իրականացնելու։
Մանրամասները՝ տեսանյութում:
