29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
Գորիսի փոխքաղաքապետի և ևս 20 անձի գործը դատարանում է․ նրանք մեղադրվում են վարչապետի այցի ընթացքում խուլիգանություն կատարելու համար
Հասարակություն
10.11.2021 | 16:53
Սյունիքի մարզ վարչապետ Նիկոլ Փաշինյանի այցի ժամանակ տեղի ունեցած բողոքի ակցիաների և քաշքշուկների մասով հարուցված քրեական գործն արդեն դատարանում է։ Այս մասին Factor.am-ը տեղեկանում է «Դատալեքս» դատական-տեղեկատվական համակարգից։ Գործը մակագրվել է Սյունիքի մարզի ընդհանուր իրավասության դատարանի Գորիսի նստավայրի դատավոր Բորիս Բախշիյանին։
Գործով ամբաստանվում են Գորիսի փոխքաղաքապետ Մենուա Հովսեփյանը և ևս 20 անձ, նրանց թվում կան քաղաքապետ Առուշ Առուշանյանի մերձավոր ազգականներից մի քանիսը։
Մասնավորապես՝ Սարիկ Օհանյանին, Հայկ Ասլանյանին, Կարեն Մալխասյանին, Գրիշա Փանդունցին, Գրիգոր Դարբինյանին, Արտյոմ Աղաջանյանին, Արտակ Առուշանյանին, Արսեն Ճաղարյանին, Արմեն Օհանջանյանին, Արմեն Լաչինյանին, Ալեն Գրիգորրյանին մեղադրանք է առաջադրվել այն բանի համար, որ նրանք 2021 թվականի ապրիլի 21-ին՝ ՀՀ վարչապետի կողմից Սյունիքի մարզ կատարած այցի ընթացքում կատարել են խուլիգանություն՝ դիտավորությամբ կոպիտ կերպով խախտել են հասարակական կարգը, որն արտահայտվել է հասարակության նկատմամբ բացահայտ անհարգալից վերաբերմունքով և զուգորդվել է առանձապես խոշոր չափերով գույքը դիտավորությամբ վնասելով:
Նրանց մեղադրանք է առաջադրվել Քրեական օրենսգրքի 38-185-րդ հոդվածի 3-րդ մասի 1-ին կետով՝ Գույքը դիտավորությամբ ոչնչացնելը կամ վնասելը, որը կատարվել է առանձնապես խոշոր չափերի վնաս է պատճառելով։
Հիշեցնենք՝ ապրիլի 21-ին Նիկոլ Փաշինյանի այցը Սյունիքի մարզի Մեղրի և Ագարակ ուղեկցվել է միջադեպերով։ Սկզբում վարչապետից և նրան ուղեկցող անձանցից պահանջել են հեռանալ, ապա բախում է սկսվել ոստիկանների և քաղաքացիների միջև։
Ըստ Փաշինյանի՝ տեղի ունեցածը հայտնի շրջանակների կողմից կազմակերպված գործողություններ են և որևէ կապ չունեն բուն ագարակցիների ու մեղրեցիների հետ։ Թե ովքեր են այդ շրջանակները, անուններ չի նշվել։
Ռոզա Վարդանյան
