17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Փաստերին լավ չեք տիրապետում․ Պապոյանը վրդովվեց Սյունիքը ուշադրությունից դուրս թողնելու վերաբերյալ պնդումից․ ՏԵՍԱՆՅՈՒԹ
Քաղաքականություն
08.11.2021 | 15:15
«ԵՄ դրամաշնորհային ծրագրով քանի՞ դպրոց է վերանորոգվելու և ինչպե՞ս են ընտրվում այդ դպրոցները: Այս օրերին մարզերից դպրոցների աղետալի վիճակի մասին պատկերներ են ուղարկում: Այդ դպրոցներից որո՞նք են ներառված վերանորոգման ծրագրերում, ինչպե՞ս է կատարվել այդ դպրոցների ընտրությունը: Երեկ նկատեցի, որ մի շարք մարզերի ֆինանսական աջակցություն է տրամադրվել, բայց ըմբոստ Սյունիքը դուրս է մնացել»,- ի թիվս մի շարք այլ հարցերի ու դիտարկումների՝ ԱԺ-ում 2022թ. բյուջեի քննարկման ժամանակ այս մասին նշեց «Հայաստան» խմբակցության ՀՅԴ-ական պատգամավոր Լիլիթ Գալստյանը՝ դիմելով ԿԳՄՍ նախարար Վահրամ Դումանյանին:
«Քաղաքացիական պայմանագիր» խմբակցության պատգամավոր Գևորգ Պապոյանը, մինչ նախարարի արձագանքը, նշեց, որ Գալստյանը լավ տեղեկացված չէ: «Սյունիքի մարզի բյուջեն մի քանի անգամ՝ մոտ 10 անգամ ավելի մեծ է, քան մյուս մարզերինը: Այնտեղ խոշոր ենթակառուցվածքային ծրագրեր ենք իրականացնում: Փաստերին լավ չեք տիրապետում»,- նշեց Պապոյանը: Նա նաև հավելեց, որ կառավարության կողմից աջակցություն ստանում են բոլոր մարզերը՝ առավել ևս Սյունիքը:
Մանրամասները՝ տեսանյութում:
