17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
ՄԻԵԴ-ը հրապարակել է հայ գերիների գործով դատավճիռներն ու Ադրբեջանին մեղավոր ճանաչել
Հասարակություն
04.11.2021 | 15:33
ՄԻԵԴ-ը հրապարակել է Ադրբեջանի կողմից խոշտանգված Չինարի գյուղի բնակիչ Կարեն Պետրոսյանի ու Վերին Կարմիրաղբյուր գյուղի բնակիչ Մամիկոն Խոջոյանի գործով վճիռները։ Այս մասին տեղեկանում ենք դատարանի պաշտոնական կայքից։
Դատարանը բավարարել է հայկական կողմի հայցերն ու Ադրբեջանին մեղավոր ճանաչել։
Մասնավորապես, վճռում նշվում է, որ Ադրբեջանը խախտել է հայ գերիների կյանքի, խոշտանգումներից, խտրականությունից զերծ մնալու, ազատության, անձնական անձեռնմխելիության իրավունքները: ՄԻԵԴ-ը Ադրբեջանին պարտավորեցրել է երեք ամսվա ընթացքում 40․000 եվրո վճարել երկու գործերով։
Նշենք, որ Կարեն Պետրոսյանը 2014 թվականին մոլորվել էր, հատել հայ-ադրբեջանական սահմանն ու հայտնվել ադրբեջանական գյուղում: Ադրբեջանի իշխանությունները նրան ձերբակալել էին, իսկ հետո հայտարարել, թե նա մահացել է սրտի կաթվածից:
Մամիկոն Խոջոյանը գերեվարվել էր 2014-ին, ապա ամիսներ անց վերադարձվել Հայաստանին, իսկ որոշ ժամանակ անց՝ մահացել:
Էմմա Չոբանյան
