24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
3 հազարից ավելի հոսպիտալացված քաղաքացիներից 97-ն է պատվաստված. Անահիտ Ավանեսյան. ՏԵՍԱՆՅՈՒԹ
04.11.2021 | 12:02
Երեկ արձանագրվել է կորոնավիրուսով վարակվածության 2330 նոր դեպք, գրանցվել է 41 մահ: Կառավարության այսօրվա նիստում ներկայացնելով կորոնավիրուսային իրավիճակը Հայաստանում, նշեց ՀՀ առողջապահության նախարար Անահիտ Ավանեսյանը:
Նրա հավաստմամբ՝ դպրոցներում արձակուրդների երկարացումն ու բուհերի՝ դասերն առցանց անցկացնելը որոշակի դրական միտումներ է ցույց տվել:
«Հիվանդացության առումով նվազում ունենք, ինչը կարձանագրվի հաջորդ շաբաթվա թվերի առումով», – ասաց նա:
Նախարարը նշեց, որ մահճակալային ֆոնդը շարունակում է մնալ լարված, սակայն հոսպիտալացման սպասող քաղաքացիների թվի նվազում կա:
Ինչ վերաբերում է պատվաստումներին, նա ասաց, որ Հայաստանում պատվաստվել է 852 հազար 355 քաղաքացի:
«Պետք է ասեմ, որ «Մոդեռնա» պատվաստանյութի ստանալուց հետո մենք փոփոխություն իրականացրեցինք հրամանի մեջ ու 12 տարեկանից բարձր երեխաները հնարավորություն ունեն ստանալ պատվաստում, դա իրականացվում է ծնողների գրավոր համաձայնությամբ, կա հետաքրքրություն, արդեն մոտ 50 երեխա է պատվաստվել»,- նշեց նախարարը:
Նրա խոսքով՝ 3 հազարից ավելի հոսպիտալացված քաղաքացիների մեջ պատվաստված է ընդամենը 97-ը:
Մանրամասները՝ տեսանյութում:
