23.08.2026 | 10:37
Ստեփանավանում վագոն-տնակ է այրվել. կա զոհ
Անհրաժեշտ է խաղաղ գործընթացի վերսկսում. Արցախի կարգավիճակի և մյուս հարցերը կքննարկվեն այդ շրջանակում. ԱԳ փոխնախարար
Քաղաքականություն
04.11.2021 | 11:26
Անհրաժեշտ է խաղաղ գործընթացի վերսկսում Մինսկի խմբի համանախագահության շրջանակներում: ԱԺ-ում լրագրողների հետ ճեպազրույցում ասաց ՀՀ ԱԳ փոխնախարար Վահե Գևորգյանը՝ հավելելով, որ ջանքեր են գործադրվում այդ նպատակին հասնելու համար: Նրա խոսքով՝ Արցախի կարգավիճակի և մյուս հարցերը կքննարկվեն այդ շրջանակում:
«Հարցը մի փոքր վաղաժամ է»,- ասաց փոխնախարարը՝ անդրադառնալով հարցին, թե ինչ քարտեզներով է ՀՀ-ն մասնակցելու դեմարկացիայի վերաբերյալ բանակցություններին:
«Որպեսզի մենք խոսենք դեմարկացիայի բանակցությունների մասին, պետք է լինեն դելիմիտացիայի բանակցություններ: Քանի դեռ չկան դելիմիտացիայի բանակցություններ, խոսել, թե ինչ քարտեզներով, ինչ փաստաթղթերով ենք առաջնորդվում, խիստ վաղաժամ է: Երբ լինեն բանակցություններ, մենք այդ հարցերին կանդրադառնանք»,- նշեց Գևորգյանը:
Հարցին՝ ՀՀ-ն չի՞ հստակեցրել՝ մեզ համար որ քարտեզն է շահեկան, Գևորգյանն արձագանքեց, թե հրապարակային դաշտում քարտեզների, դեմարկացիայի այլ գործիքակազմի մասին խոսելու ժամանակը կգա, երբ կլինեն բանակցություններ:
Ճշտող հարցին՝ այսինքն՝ հստակեցված է, բայց չե՞ն բարձրաձայնում, ԱԳ փոխնախարարը պատասխանեց, թե ընդհանուր մոտեցումներ ձևավորում են ներքին քննարկումների ընթացքում. «Բայց այս պարագայում հանդես գալ մեր գործիքակազմի վերաբերյալ, երբ չկան բանակցություններ, կարծում եմ՝ վաղաժամ է»,- վերահաստատեց փոխնախարարը:
Մանրամասները՝ տեսանյութում:
