11.12.2025 | 14:44
Դա անձնական է․ Փաշինյանի խորհրդականը՝ Գարեգին Բ-ի երեխա ունենալու խոսակցության մասին․ ՏԵՍԱՆՅՈՒԹ
Ե՛վ Հայաստանին, և՛ Ադրբեջանին զենքի մատարարումներում մենք որևէ միջազգային պարտավորություն չենք խախտում․ ռուս պաշտոնյա
Տնտեսություն
02.11.2021 | 13:11
ՌԴ Ռազմատեխնիկական համագործակցության դաշնային ծառայության ղեկավար Դմիտրի Շուգաևը ռուսական ՌԲԿ-ին տված հարցազրույցում անդրադարձել է Հայաստանի և Ադրբեջանի հետ ռազմատեխնիկական համագործակցությանը։
Հարցին՝ արդյո՞ք Երևանը հետաքրքրություն ցուցաբերել է Ռուսաստանի հետ ռազմատեխնիկական համագործակցության նոր պայմանագրերի կնքման վերաբերյալ, Շուգաևը հստակ պատասխան չի տվել։
Նա նշել է, որ Երևանն ու Բաքուն ՌԴ-ի համար ռազմավարական գործընկերներ են։
«Եվ՛ Հայաստանը, և՛ Ադրբեջանը մեր ռազմավարական գործընկերներն են։ Այդ երկրներից յուրաքանչյուրը, որպես անկախ երկիր, ինքն է որոշում նոր սպազինությունների հարցում պահանջարկը։ Մենք մեր մատակարարումներում՝ թե՛ մեկ, թե՛ մյուս կողմին, որևէ միջազգային պարտավորություն չեն խախտում, իրականում դա վերաբերում է բոլոր երկրներին։ Ցանկացած պետության հետ, որի հետ ռազմատեխնիկական համագործակցություն կա, գոյություն ունեն որոշակի ծրագրեր։ Մեկի հետ ավելի երկարատև հիմքով են այդ հարաբերությունները կառուցվում, մյուսի հետ՝ ավելի գործառնական։ Մեր հետաքրքրվածությունը նշյալ տարածաշրջանում խաղաղության և կայունության պահպանումն է, որպեսզի հակամարտությունը, որը հաջողվել է ակտիվ փուլում մարել, նորից չբռնկվի»,- ասել է ռուս պաշտոնյան։
Շուգաևն այդպես էլ հստակ չի ասել՝ Հայաստանի հետ նոր պայմանագրեր կնքվե՞լ են, թե՞ ոչ։
Էմմա Չոբանյան
