01.11.2024 | 14:18
Նոյեմբերի առաջին տասնօրյակը տաք է, երրորդ տասնօրյակի միջին ջերմաստիճանը բացասական է
Սամվել Ալեքսանյանի ընկերության ներկայացուցչին հրավիրել են ՄՊՀ` շաքարավազի գնաճի համար․ ՏԵՍԱՆՅՈՒԹ
Տնտեսություն
02.11.2021 | 11:55
ՏՄՊՊՀ-ն գնաճի հետ որևէ առնչություն չունի: Այս մասին լրագրողների հետ զրույցում ասաց Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը՝ անդրադառնալով սննդամթերքի թանկացման մասին դիտարկմանը:
ՏՄՊՊՀ նախագահը հիշեցրեց՝ իրենց գործունեության տիրույթում է գնաճի ուսումնասիրությունը միայն այն պարագայում, եթե գործ ունեն գերիշխող դեր ունեցող տնտեսվարողի հետ և առկա է հակամրցակցային գործողություն, իրավախախտում։
Գեղամ Գևորգյանը տեղեկացրեց, որ կրկին ուսումնասիրություն են սկսել հավի, ձվի, շաքարավազի շուկայում։
Անդրադառնալով շաքարավազի թանկացմանը Գևորգյանը նշեց, որ շաքարազ ներմուծող բոլոր խոշոր ընկերությունները, այդ թվում նաև Սամվել Ալեքսանյանին պատկանող ընկերությունը հրավիրվել են հանձնաժողով. «Բոլոր ընկերություններին վարույթի շրջանակներում, ոչ թե իրավունք ունեմ, այլ պարտավոր եմ հրավիրել: Այդ նիստերը հրապարակային են»:
Իսկ թե ինչպես են այդ ընկերությունները հիմնավորում շաքարավազի թանկացումը, Գևորգյանը նշեց, որ մինչև վարույթը չավարտվի, չի կարող ասել, քանի որ դա կդիտարկվի որպես կանխակալ վերաբերմունք:
Մանրամասները՝ տեսանյութում:
