ՀՀ-ում իրավիճակն այսօրվանից այլ է․ Առողջապահության նախարարի հրամանով նոյեմբերի 1-ից պարտադիր է դիմակ կրել ոչ միայն փակ, այլև հանրային բաց տարածքներում։ Վերջին օրերի ընթացքում գրանցված վարակի դեպքերի աճը և բուժհաստատությունների գերծանրաբեռնվածությունն է ստիպել անցնել խիստ միջոցների կիրառմանը։
Արդյո՞ք մեր քաղաքացիները տեղյակ են նոր փոփոխության մասին և հետևում են կանոններին․ Factor TV-ն փորձել է պարզել Երևանում անցկացված հարցախույզի միջոցով։
Մեր նկարահանման պահին դիմակ էր կրում քաղաքացիների մի մասը միայն․ նրանց կարծիքով՝ նախարարի որոշումը ճիշտ է, մյուսներն էլ ստիպված են դիմակ կրում, որպեսզի չտուգանվեն։ Քաղաքացիների մի մասն էլ նպատակահարմար չի գտնում դիմակ կրել բաց տարածքում, սակայն նշում են՝ փակ տարածքներում կանոններին հետևում են, իսկ ոմանք էլ մատնանշում են՝ հասարակական տրանսպորտը գերծանրաբեռնված է։
Մանրամասները՝ տեսանյութում։
Արփի Հակոբյան
