09.06.2026 | 00:17
Մարկո Ռուբիոն շնորհավորել է Փաշինյանին
ՊՆ-ն ակտիվ աշխատում է, որպեսզի ԱԹՍ-ներ գնի հայկական ընկերություններից. ԲՏԱ նախարար․ ՏԵՍԱՆՅՈՒԹ
Տնտեսություն
01.11.2021 | 16:00
«Մեր նախարարության առնչությունը պաշտպանական աշխատանքներին երկու բնագավառներում է՝ մեկը ռազմաարդյունաբերական համալիրի ձեռնարկություններ, որոնք կատարում են կոնկրետ պատվերն է և առանձին գիտահետազոտական փորձարարակոնստրուկտորական աշխատանքներ, որոնք հիմնականում միտված են նոր գաղափարների իրականացմանը: Դրանք ավելի շատ գիտական աշխատանքներ են, որոնց հիմնական նպատակը գաղափարն իրականություն դարձնելն է ռազմական որևէ արտադրանքի ձևով»,- այս մասին Factor.am-ի հետ զրույցում նշեց ՀՀ բարձր տեխնոլոգիական արդյունաբերության նախարար Վահագն Խաչատրյանը:
Հարցին, թե ինչն է խանգարում ռազմարդյունաբերության շեշտակի զարգացմանը՝ նախարարը պատասխանեց. «Համապատասխան ենթակառուցվածքների բացակայությունը. նույնիսկ այն ձեռնարկությունները, որ կան, հագեցած չեն համապատասխան սարքավորումներով, կարիք ունեն վերափոխման: Երկրորդ խնդիրը՝ մասնագետների պակասն է»:
«Այս տարվա ամենակարևոր փոփոխությունը, որ կատարվել է վարչապետի հրահանգով, այն է, որ մենք պարտավոր ենք տեղական արտադրանքը գերադասել դրսի արտադրանքից: Այսինքն՝ եթե մենք ունենք տեղական արտադրողներ, որոնց արտադրանքը որակական հատկանիշներով համապատասխանում է ՊՆ-ի ներկայացրած պահանջներին, մենք դա ենք գնում»,- նշեց Խաչատրյանը՝ հավելելով, որ ՊՆ-ն ակտիվ աշխատում է, որպեսզի հայկական ընկերություններից գնում կատարի, այդ թվում նաև ԱԹՍ-ներ:
Մանրամասները՝ տեսանյութում:
