26.06.2026 | 15:20
Պեսկովը հայտարարել է, որ ԱՄՆ-ը բացարձակ չեզոք չէ Ուկրաինայի հակամարտության հարցում
Գիշերը կրակոցներ են հնչել Երևանում․ մեկ անձ մահացել է
Հասարակություն
01.11.2021 | 11:23
Երեկ ուշ գիշերին սպանություն է տեղի ունեցել Երևանում։ Ինչպես Factor.am-ի հետ զրույցում տեղեկացրեց ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը, ժամը 02:10-ին «Սուրբ Աստվածամայր» բժշկական կենտրոնից ահազանգ է ստացվել, որ արդեն մահացած վիճակում իրենց մոտ են տեղափոխել մի տղամարդու։
«Պարզվել է, որ Կարմիր բլուր 43 հասցեի մոտ տեղի է ունեցել վիճաբանություն, որի ընթացքում անհայտ անձը կրակել է տղամարդու ուղղությամբ, վերջինիս պատճառելով մարմնական վնասվածքներ, որը հիվանդանոցի ճանապարհին մահացել է»,- նշեց Ջանոյանը։
Նշանակվել է դատաբժշկական փորձաքննություն, հանգամանքները պարզվում են։ Նախաքննություն է կատարվում։
Ռոզա Վարդանյան
