19.11.2024 | 14:24
Մինչև 2018 թվականը ՀՀ-ում ռազմավարական երկարաժամկետ նպատակներ հայտարարված չեն եղել․ Արշակյան․ ՏԵՍԱՆՅՈՒԹ
Կարեն Տոնականյանը նոկաուտով հաղթեց մրցակցին և մտավ 1/8 եզրափակիչ
29.10.2021 | 22:36
Հայաստանի բռնցքամարտի հավաքականը հերթական հաղթանակը տոնեց Բելգրադում ընթացող բռնցքամարտի աշխարհի առաջնությունում: 60 կգ քաշային Կարեն Տոնականյանը 1/16 եզրափակիչում մրցել է Մալին ներկայացնող Աբդուլ Քարիմ Բատհիլի հետ:
Հայաստանի բռնցքամարտի ֆեդերացիան հայտնում է, որ մենամարտի առաջին իսկ րոպեից Տոնականյանը տիրեց ռինգի կենտրոնին՝ մրցակցին զրկելով ազատ գործելու հնարավորությունից: 2-րդ ռաունդում մեր մարզիկը ավելացրեց ճնշումը: 3-րդ ռաունդի մեկնարկում Տոնականյանի ձախ կողային հարվածից մրցակիցը ցնցվեց, ռինգի մրցավարը դադարեցրեց մենամարտը, իսկ մրցաշարի պատասխանատու բժիշկը, մրցակցի առողջությունից ելնելով, թույլ չտվեց շարունակել մենամարտը:
Արդյունքում Տոնականյանը 1/8-րդ եզրափակչում է, որտեղ նա կհանդիպի ֆրանսիացի Սոֆիան Օումիհայի հետ: Մրցամարտը կկայանա հոկտեմբերի 31-ին:
