11.09.2026 | 11:54
ՀՀ քննչական կոմիտեի և ՉԺՀ հանրային անվտանգության նախարարության միջև ստորագրվել է փոխըմբռնման հուշագիր
ԶԼՄ օրենքում փոփոխության նախագիծը լրջորեն կազդի մեր երկրի հեղինակության վրա․ Արա Ղազարյան․ ՏԵՍԱՆՅՈՒԹ
Հասարակություն
29.10.2021 | 14:02
Ազգային ժողովը հոկտեմբերի 28-ին առաջին ընթերցմամբ ընդունեց «Զանգվածային լրատվության մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը, որոնցով առաջարկում են պատասխանատվություն սահմանել ԶԼՄ-ների համար, եթե չնույնականացվող աղբյուրի միջոցով վիրավորանք ու զրպարտություն են տարածել:
Համաձայն փոփոխության՝ լրատվամիջոցները չեն ազատվելու պատասխանատվությունից՝ չնույնականացված աղբյուրներին հղում կատարելու կամ նրանց տարածած տեղեկատվությունը տարածելու դեպքում: Ամրագրվում է նաև ֆինանսական թափանցիկության պահանջ:
Օրենսդրական այս նոր կարգավորումները արժանացել են ոչ միայն ընդդիմության, այլ նաեւ փորձագիտական հանրության ու միջազգային իրավապաշտպան կազմակերպությունների քննադատությանը, որոնք ահազանգում են, որ միտումները մտահոգիչ են, քանի որ սա առանձին գործընթաց չէ, այլ շղթայի մի մասնիկը:
Միջազգային իրավունքի մասնագետ Արա Ղազրյանի կարծիքով՝ ԶԼՄ օրենքում փոփոխության նախագիծը լրջորեն կազդի մեր երկրի հեղինակության վրա:
«Այս սահմանափակումներն անիրավաչափ են. ոչ թե թույ լէ տրվում, որ ինֆորմացիան աներկբայորեն հոսի և հետո իրավիճակը կարգավորվի, այլ ի սկզբանե փակվում է ինֆորմացիայի հոսքը»,- նշեց Ղազարյանը՝ հավելելով, որ այս օրենքով Հայաստանը զատվում է եվրոպական օրենքից:
Ղազարյանը համոզմունք հայտնեց, որ վաղ թե ուշ այս օրենքը հանվելու է:
Մանրամասները՝ տեսանյութում:
