16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Սանասարի և Կովսականի հանձնումը կապ չուներ նոյեմբերի 9-ի փաստաթղթի հետ. Տիգրան Աբրահամյան․ ՏԵՍԱՆՅՈՒԹ
Քաղաքականություն
29.10.2021 | 11:54
Արցախի Հանրապետության Քաշաթաղի շրջանի Սանասար գյուղն (Կուբաթլու) ու Կովսական քաղաքը (Զանգելան) Ադրբեջանին հանձնելը որևէ առնչություն չուներ նոյեմբերի 9-ին ստորագրված եռակողմ հայտարարության հետ: Այս մասին խորհրդարանական ճեպազրույցների ժամանակ ասաց «Պատիվ ունեմ» խմբակցության պատգամավոր Տիգրան Աբրահամյանը։
«Այդ տարածքները նոյեմբերի 9-ին էլ գտնվում էին մեր հսկողության տակ, և դրանք որևէ պայմանում հանձնման ենթակա չեն եղել։ Հանձնման ժամանակ նույնիսկ չեն բանակցել Գորիս – Կապան ճանապարհի հետ կապված մանրամասները»,- նշեց Աբրահամյանը։
Անդրադառնալով այն հանգամանքին, որ իշխանությունները նշում են, թե չհանձնելու պարագայում պատերազմ կլիներ, Աբրահամյանը նշեց, որ նույն տրամաբանությամբ Ադրբեջանը կարող է ուզել, որ Հայաստանը հանձնի Վարդենիսը, Գորիսը, Կապանը, Մեղրին։ Պատգամավորն ընդգծեց, որ նման սկզբունքով առաջնորդվելով՝ որևէ հարցում հաջողության հասնելու շանս չկա։
Մանրամասները՝ տեսանյութում:
