04.04.2026 | 17:58
ԱՄՆ կառավարության փոխանակման ծրագրերի շրջանավարտների համար նոր հնարավորություն․ մեկնարկել է 2026-ի դրամաշնորհային ծրագիրը
Զախարովան՝ «Զանգեզուրի միջանցքի» վերաբերյալ Ալիևի հայտարարությունների և տրանսպորտային հաղորդակցությունների ապաշրջափակման առավել օպտիմալ ձևաչափի մասին
Քաղաքականություն
28.10.2021 | 18:49
ՌԴ ԱԳ նախարարության պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ անդրադարձել է Թուրքիայի նախագահ Ռեջեփ Թայիփ Էրդողանի՝ 44-օրյա պատերազմից հետո Արցախի գրավյալ տարածքներում կառուցված առաջին օդանավակայանի բացման արարողությանն ու միջոցառումից հետո, այսպես կոչված, «Զանգեզուրի միջանցքի» մասին արված հայտարարություններին։
Զախարովան հայտարարել է, թե Անդրկովկասում տրանսպորտային հաղորդակցությունների ապաշրջափակման առավել օպտիմալ ձևաչափը երեք երկրների՝ Հայաստանի, Ռուսաստանի և Ադրբեջանի փոխվարչապետերի մասնակցությամբ եռակողմ աշխատանքային խումբն է։
ՌԴ ԱԳՆ խոսնակը հիշեցրել է, որ արդեն կայացել է նման ձևաչափով 8 հանդիպում, և բոլոր կողմերը բարձր են գնահատել աշխատանքային խմբի գործունեությունը։
«Մենք ճիշտ ենք համարում այնպիսի հայտարարություններին ու քայլերին հետևելը, որոնք նպաստում են Անդրկովկասում բոլոր տնտեսական ու տրանսպորտային հաղորդակցությունների ապաշրջափակման վերաբերյալ եռակողմ պայմանավորվածությունների իրականացմանը»,- ասել է նա։
Տաթև Ֆռանգյան
