23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Չեմ հիշում. Ռուբինյանը՝ Փաշինյանի կողմից խորհրդարանում ոչ պատշաճ խոսքեր կիրառելու մասին․ ՏԵՍԱՆՅՈՒԹ
Քաղաքականություն
28.10.2021 | 15:55
Այսօր ԱԺ փոխխոսնակ, ՔՊ պատգամավոր Ռուբեն Ռուբինյանից հետաքրքրվեցինք՝ մտահոգություն չունե՞ք, որ ձեր որդեգրած մոտեցումը, երբ ընդդիմության տարբեր ներկայացուցիչների թույլ չեք տալիս ԱԺ ամբիոնի մոտ որոշակի բառեր օգտագործել, անմիջապես անջատում եք խոսափողը, դա կարող է ՀՀ-ին վնաս հասցնել՝ ժողովրդավարական գործընթացներից հետընթաց արձանագրելու համար: Նա պատասխանեց.
«Ես ճիշտ եմ, որ թույլ չեմ տալիս որոշակի բառեր օգտագործել ԱԺ նիստերի դահլիճում, որովհետև կան բառեր և արտահայտություններ, որոնք չի կարելի օգտագործել ոչ միայն Հայաստանի խորհրդարանում, այլ նաև ցանկացած խորհրդարանում: Այս մասին լրագրողների հետ զրույցում նշեց ԱԺ փոխնախագահ, ՔՊ պատգամավոր Ռուբեն Ռուբինյանը:
«Այլ հարց, որ չի կարող սահմանափակվել պատգամավորի կարծիքը՝ այս կամ այն հարցի վերաբերյալ, եթե այդ կարծիքն արտահայտվում է էթիկայի նորմերին համապատասխան: Բայց համաձայնեք, որ եթե օրինակ X պատգամավորն ամբիոնի մոտից վիրավորական արտահայտություններ օգտագործի Y պատգամավորի կամ ցանկացած այլ անձի վերաբերյալ, նիստը վարողը պարտավոր է թույլ չտալ, որ այդպիսի բան տեղի ունենա»:
Հարցրին՝ այդ բառերի ցանկն ո՞վ է որոշում, ո՞ր բառերն են վիրավորական ու համարվում օգտագործել՝ Ռուբինյանը պատասխանեց. «Բառերի պաշտոնական ցանկ չկա, բայց կա ընդհանուր տրամաբանություն և ողջախոհություն: Եվ նիստը վարողը՝ լինի դա ԱԺ նախագահ կամ փոխնախագահ, իրենց հայեցողությամբ պետք է որոշեն»:
Անդրադառնալով դիտարկմանը, որ ժամանակին Նիկոլ Փաշինյանը ԱԺ-ում բավականին կոշտ եւ սուր ելույթներ էր ունենում, իրեն ձայնի իրավունքից չէին զրկում ու այդ առումով հետընթացէ արձանագրվում, Ռուբինյանը պատասխանեց. «Ո՛չ, հետընթաց չկա: Խնդիրը հետևյալն է՝ հետընթաց կա ընդդիմության՝ էթիկայի նորմերը պահպանելու գործում: Դրանից էլ բխում են մնացած իրողությունները: ՀՀ ԱԺ նիստերի դահլիճում ցանկացած ոք, ցանկացած պատգամավոր ազատ է արտահայտել իր դիրքորոշումերը ցանկացած հարցի վերաբերյալ՝ մեկ պայմանով. այդ դիրքորոշումները չեն կարող արտահայտվել վիրավորական բառերի ուղեկցությամբ»:
Ռուբինյանն ընդգծեց նաև, որ չի հիշում Փաշինյանի կողմից խորհրդարանում ոչ պատշաճ խոսքեր կիրառելու դեպք:
Մանրամասները՝ տեսանյութում:
