16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ռոբերտ Քոչարյանը Հոկտեմբերի 27-ի գործով դեռ ասելիք ունի. Անդրանիկ Քոչարյան. ՏԵՍԱՆՅՈւԹ
Քաղաքականություն
27.10.2021 | 19:47
Կա վարկած, որ Հոկտեմբերի 27-ի ոճրագործությունը կապ ունի Մեղրիի փոխանակման հետ: Factor.am-ի հետ զրույցում անդրադառնալով այս դիտարկմանը՝ Աժ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը նշեց, որ այդ վարկածը, ցավոք, ամբողջությամբ ուսումնասիրված չէ:
«Մեղրիի հետ կապված բավականին գաղտնի բաներ կային, նախաքննական մարմինն էլ չուներ պատկերացումներ:
Իշխանության մեջ անհասկանալի թևեր էին ձևավորվել, Ռոբերտ Քոչարյանը «Անգլիայի թագուհի էր», բայց Վազգեն Սարգսյանի և Կարեն Դեմիրճյանի կողմից ձևավորված քաղաքական իշխանությունը հնարավորություն տվեց, որ պարոն Ջհանգիրյանի կողմից ձևավորված նախաքննական մարմինը հնարավորություն ունենա արագ ձեռք բերելու որոշակի տեղեկություններ և ապացույցներ: Եկավ մի պահ, երբ որ նախաքննական ցուցմունքները շատ կարևոր էին:
Այդ ընթացքում իշխանության համար պայքար էր ընթանում, Քոչարյանը հաղթեց Սարգսյանի և Դեմիրճյանի ձևավորած իշխանությանը՝ կատարելով հակասահմանադրական որոշում՝ աշխատանքից հեռացնելով պաշտպանության նախարարին և վարչապետին:
Դրանից հետո տեղի ունեցան գործընթացներ և կասեցվեց Հոկտեմբերի 27-ի գործը, որ Քոչարյանի կողմից որակվել էր «ուչաստկովի» գործ: Կալանքից ազատվեցին մարդիկ, որոնք հիմնական կասկածյալներն էին: Դրանից հետո շատ կարևոր վկաներ մահացան՝ անհասկանալի պատճառներով»,- նշեց պատգամավորը՝ հավելելով, որ Հոկտեմբերի 27-ի գործը վերաբացվել է և Մեղրիի վարկածն առաջնային նշանակություն ունի:
Անդրանիկ Քոչարյանի կարծիքով՝ Ռոբերտ Քոչարյանը Հոկտեմբերի 27-ի գործով դեռ ասելիք ունի:
Մանրամասները՝ տեսանյութում:
